ટીમ ઇન્ડિયાની જર્સી પર પોતાનું નામ જોઈ ભાવુક થયો 15 વર્ષનો વૈભવ સૂર્યવંશી

Vaibhav Suryavanshi Jersey | ભારતીય ક્રિકેટના નવા સિતારા વૈભવ સૂર્યવંશી (Vaibhav Suryavanshi) માટે આખરે એ ઐતિહાસિક પળ આવી જ ગઈ છે, જેનું સપનું તેણે નાનપણથી જોયું હતું. આયર્લેન્ડ અને ઇંગ્લેન્ડ પ્રવાસ માટે ભારતીય T20 ટીમમાં પ્રથમ વખત પસંદ કરાયેલા આ 15 વર્ષીય ધમાકેદાર બેટરે જ્યારે ટીમ ઇન્ડિયાની સત્તાવાર જર્સી (Jersey) પર પોતાનું નામ જોયું, ત્યારે તે પોતાના આંસુ રોકી શક્યો નહોતો અને અત્યંત ભાવુક થઈ ગયો હતો.

બીસીસીઆઈ દ્વારા સોશિયલ મીડિયા પર શેર કરાયેલા એક ખાસ વીડિયોમાં વૈભવ સૂર્યવંશીએ પોતાની લાગણીઓ વ્યક્ત કરતા જણાવ્યું કે ક્રિકેટ રમવાની શરૂઆત જ તેણે એક દિવસ ભારતની બ્લુ જર્સી પહેરવાના સપના સાથે કરી હતી અને હવે જ્યારે એ સપનું હકીકત બન્યું છે, ત્યારે તેને પોતાની આંખો પર વિશ્વાસ નથી આવી રહ્યો.

Ladies & Gentlemen

The moment the nation has been waiting for has arrived!

Vaibhav Sooryavanshi in #TeamIndia jersey. Witness this incredibly special moment ❤️ pic.twitter.com/sUUytFMPVw

— BCCI (@BCCI) June 23, 2026

યુવા બેટ્સમેને વીડિયોમાં જણાવ્યું હતું કે, આ અનુભવને શબ્દોમાં વર્ણવવો ઘણો મુશ્કેલ છે. જે વસ્તુ માટે મેં ક્રિકેટના પહેલા જ દિવસથી બેટ પકડ્યું હતું અને કલાકો સુધી પ્રેક્ટિસ કરી હતી, તે સપનું આજે પૂરું થયું છે.

વૈભવે વધુમાં કહ્યું કે, ટી-શર્ટ જોતાં જ હું એટલો ખુશ થઈ ગયો કે બસ સતત સ્માઇલ કરી રહ્યો હતો. ક્યારેક જે વસ્તુ વિશે તમે વિચાર્યું પણ ન હોય તે તમારી સાથે થઈ જાય ત્યારે તમે તુરંત કોઈ રિએક્શન આપી શકતા નથી, મારી સાથે પણ બિલકુલ એવું જ થયું.