ટ્રમ્પનો માસ્ટરસ્ટ્રોક: 100 વર્ષ જૂનો ‘જોન્સ એક્ટ’ સ્થગિત, ભારતને થશે મોટો ફાયદો

Crude Oil Crisis: અમેરિકાએ (USA) રાષ્ટ્રપતિ ડોનાલ્ડ ટ્રમ્પના (Donald Trump) એક મોટા નિર્ણયથી ક્રૂડ ઓઇલ (Crude Oil) ની આખી રમત બદલી નાખી છે. ઈઝરાયલ-ઈરાન યુદ્ધને કારણે જ્યારે તેલની કિંમતો બેકાબૂ બની રહી છે, ત્યારે ટ્રમ્પે અમેરિકાના 100 વર્ષ જૂના ‘જોન્સ એક્ટ’ (Jones Act) શિપિંગ નિયમોમાં 60 દિવસની વિશેષ છૂટ આપી છે. આ નિર્ણયથી સામાન્ય ભારતીયોને મોંઘા તેલમાંથી રાહત મળી શકે છે.

‘જોન્સ એક્ટ’ (Jones Act) શું છે? વર્ષ 1920 માં લાગુ થયેલા આ કાયદા મુજબ, અમેરિકાના એક પોર્ટ (Port) થી બીજા પોર્ટ સુધી માલસામાન લઈ જતું જહાજ (Ship) અમેરિકામાં બનેલું અને અમેરિકન માલિકીનું હોવું જોઈએ. ટ્રમ્પ પ્રશાસને હવે આમાં 60 દિવસની છૂટ આપી છે જેથી વિદેશી જહાજો પણ અમેરિકન બંદરો વચ્ચે તેલનું પરિવહન કરી શકે.

ભારત માટે આ નિર્ણયના ફાયદા:

તેલના ભાવમાં ઘટાડો: અમેરિકામાં સપ્લાય ચેન (Supply Chain) સરળ થવાથી આંતરરાષ્ટ્રીય બજારમાં તેલની અછત ઓછી થશે, જે ભારત માટે આયાત બિલ (Import Bill) ઘટાડવામાં મદદરૂપ થશે.

શિપિંગ કંપનીઓને તક: ભારતીય શિપિંગ કંપનીઓ (Shipping Companies) માટે આ સુવર્ણ તક છે. 60 દિવસની છૂટ દરમિયાન ભારતીય જહાજો અમેરિકન બંદરો વચ્ચે તેલના પરિવહન માટે મોટા કોન્ટ્રાક્ટ (Contract) મેળવી શકશે.

ક્રૂડ ઓઇલ સપ્લાય: જો આ છૂટથી અમેરિકન તેલ સસ્તું થાય, તો ભારત મધ્ય પૂર્વના દેશો પર નિર્ભરતા ઘટાડીને અમેરિકાથી તેલની આયાત વધારી શકે છે.

ઈરાન સંકટ (Iran Crisis) અને હોર્મુઝની સામુદ્રધુનીમાં પેદા થયેલા તણાવ વચ્ચે ટ્રમ્પનો આ નિર્ણય ભારત માટે મોટી રાજદ્વારી અને આર્થિક રાહત સમાન છે.