મોદી કેબિનેટે ₹54,926 કરોડના ભારત ઔદ્યોગિક વિકાસ યોજનાને મંજૂરી આપી

PM Modi Hails BHAVYA Hydro Scheme Approval Push for Jobs, Rural Growth

Cabinet Decisions: વડાપ્રધાન નરેન્દ્ર મોદીની (PM Narendra Modi) અધ્યક્ષતામાં મળેલી કેબિનેટ બેઠકમાં ઉદ્યોગ, કૃષિ અને ઇન્ફ્રાસ્ટ્રક્ચર (Infrastructure) ક્ષેત્રે કુલ 54,926 કરોડ રૂપિયાના રોકાણવાળી 4 મહત્વની યોજનાઓને લીલી ઝંડી આપવામાં આવી છે. કેન્દ્રીય મંત્રી અશ્વિની વૈષ્ણવે (Ashwini Vaishnaw) આ નિર્ણયોની વિગતો આપી હતી.

ભારત ઔદ્યોગિક વિકાસ યોજના (BHAVYA) સરકારે 33,660 કરોડ રૂપિયાના બજેટ સાથે ‘ભવ્ય’ (BHAVYA) યોજનાને મંજૂરી આપી છે. આ યોજના હેઠળ દેશભરમાં 100 પાવર એન્ડ પ્લે ઇન્ડસ્ટ્રીયલ પાર્ક (Industrial Park) વિકસાવવામાં આવશે. આ પ્રોજેક્ટ 2026-27 થી 2031-32 સુધી અમલમાં રહેશે, જેનો મુખ્ય ઉદ્દેશ મેન્યુફેક્ચરિંગ (Manufacturing) અને રોજગારી વધારવાનો છે.

ખેડૂતો અને ઇન્ફ્રાસ્ટ્રક્ચર માટે મોટી જાહેરાત

કપાસના ખેડૂતો: કપાસની સીઝન 2023-24 માટે ટેકાના ભાવ (MSP) પર ખરીદી માટે 1718 કરોડ રૂપિયાની ભરપાઈને મંજૂરી અપાઈ છે, જેનો લાભ 7.25 લાખ ખેડૂતોને મળશે.

હાઇવે પ્રોજેક્ટ: નેશનલ હાઇવે-927 (National Highway-927) ને 4 લેન બનાવવા માટે 6969 કરોડ રૂપિયાના પ્રોજેક્ટને મંજૂરી મળી છે.

રિન્યુએબલ એનર્જી: સ્મોલ હાઇડ્રોઇલેક્ટ્રિક ડેવલોપમેન્ટ સ્કીમ (Hydroelectric Development Scheme) માટે 2585 કરોડ રૂપિયા ફાળવવામાં આવ્યા છે, જે 1500 મેગાવોટ (MW) વીજ ઉત્પાદન ક્ષમતા વધારશે.

Chief Editor