વેંચી નાખો આ સ્ટોક… અડધી થઇ જશે કિંમત, બ્રોકરેજે આપી મોટી ચેતવણી

Solar Industries Share | ડિફેન્સ સેક્ટર (Defense Sector) ની દિગ્ગજ કંપની સોલર ઇન્ડસ્ટ્રીઝ (Solar Industries) ના શેરધારકો માટે ચિંતાજનક અહેવાલ સામે આવ્યા છે.

ભારતીય શેરબજાર (Stock Market) ની જાણીતી બ્રોકરેજ ફર્મ (Brokerage Firm) કોટક ઇન્સ્ટિટ્યૂશનલ ઇક્વિટીઝ (Kotak Institutional Equities) એ આ મલ્ટિબેગર સ્ટોક માટે રેડ સિગ્નલ (Red Signal) આપ્યું છે.

કોટકે ચેતવણી આપી છે કે આગામી 1 વર્ષમાં આ શેરના ભાવમાં 43% નો મોટો કડાકો બોલી શકે છે અને તેની કિંમત લગભગ અડધી થઈ શકે છે.

છેલ્લા 5 વર્ષમાં સોલર ઇન્ડસ્ટ્રીઝના શેરે રોકાણકારો (Investors) ને બમ્પર વળતર આપ્યું છે. આ સમયગાળા દરમિયાન આ શેર આશરે 1043% જેટલો ઉછળ્યો છે.

વર્ષ 2021 માં આ શેર માત્ર 1616 રૂપિયા પર બંધ થયો હતો, જે તાજેતરમાં વધીને 18,141 રૂપિયાની સર્વોચ્ચ સપાટીએ પહોંચી ગયો હતો.

જોકે, કોટક બ્રોકરેજે આ શેર માટે 10,300 રૂપિયાનો ટાર્ગેટ પ્રાઇસ (Target Price) નક્કી કર્યો છે, જે વર્તમાન બજાર કિંમતથી 43% ઓછી છે.

બ્રોકરેજ ફર્મના જણાવ્યા અનુસાર, આ ઘટાડા પાછળનું મુખ્ય કારણ સ્ટોકનું અતિશય મોંઘું મૂલ્યાંકન (Expensive Valuation) છે.

આ શેર નાણાકીય વર્ષ 2028 ના અંદાજિત નફાના 55 ગણા વેલ્યુએશન પર ટ્રેડ (Trade) કરી રહ્યો છે. આટલા ઊંચા સ્તરે શેર ખરીદવો રોકાણકારો માટે જોખમી સાબિત થઈ શકે છે.

આ સિવાય, ખાણકામ ક્ષેત્રે માગમાં ઘટાડો, સરકારી સંરક્ષણ ખરીદીમાં અનિશ્ચિતતા અને નિકાસ સંબંધિત જોખમો પણ કંપનીની કામગીરીને અસર કરી શકે છે.

કંપનીનો 35% નિકાસ બિઝનેસ હોવાથી આંતરરાષ્ટ્રીય બજારની નકારાત્મક અસરો પણ આ શેર પર પડી શકે છે.

બ્લૂમબર્ગ (Bloomberg) ના ડેટા અનુસાર, કંપનીનું પ્રદર્શન સારું છે અને નાણાકીય વર્ષ 2028 સુધીમાં તેની કુલ આવક વધીને 16,676.35 કરોડ રૂપિયા થવાની ધારણા છે. છતાં મોંઘા વેલ્યુએશનને કારણે ટૂંકા ગાળામાં કિંમતો કરેક્ટ થવાની સંભાવના છે.

આથી રોકાણકારોએ નવું રોકાણ કરતા પહેલા યોગ્ય નાણાકીય સલાહકાર (Financial Advisor) ની મદદ લેવી જોઈએ.