યુકેમાં 18 વર્ષના યુનિવર્સિટી વિદ્યાર્થીની હત્યા મામલે 23 વર્ષીય શીખ યુવાન દોષિત જાહેર

યુકે (UK) ના સાઉધેમ્પટન (Southampton) માં નાઇટ આઉટ (Night out) માણીને ઘરે પરત ફરી રહેલા 18 વર્ષના યુનિવર્સિટી વિદ્યાર્થી (University student) ની છરીના ઘા મારીને હત્યા કરવાના કેસમાં એક શીખ યુવકને દોષિત જાહેર કરવામાં આવ્યો છે.

BBCના અહેવાલ મુજબ, 23 વર્ષીય વિક્રમ દિગ્વા (Vickrum Digwa) ને સાઉધેમ્પટન ક્રાઉન કોર્ટ (Southampton Crown Court) દ્વારા હેનરી નોવાક (Henry Nowak) ની 21 સેન્ટીમીટરના ધાર્મિક બ્લેડ એટલે કે કિરપાણ વડે હત્યા કરવા બદલ દોષિત ઠેરવવામાં આવ્યો છે. આ ઘટના 3 ડિસેમ્બરના રોજ બેલમોન્ટ રોડ (Belmont Road) પર રાત્રે લગભગ 11.30 વાગ્યે બની હતી.

ટ્રાયલ દરમિયાન વિક્રમ દિગ્વાએ હત્યાના આરોપોનો ઇનકાર કર્યો હતો અને દાવો કર્યો હતો કે તેણે આત્મરક્ષણમાં આ પગલું ભર્યું હતું.

કોર્ટમાં રજૂ કરાયેલી વિગતો અનુસાર, ફૂટપાથ પરથી પસાર થતી વખતે બંને એકબીજા સાથે ભટકાયા હતા, જેના પછી વિવાદ શરૂ થયો હતો.

આરોપીએ દાવો કર્યો હતો કે હેનરી નશામાં હતો અને તેણે વંશીય ટિપ્પણી (Racial slur) કરીને તેનો પાઘડી ખેંચી લીધો હતો.

જોકે, જ્યુરીએ (Jurors) આ બચાવને ફગાવી દીધો હતો અને તેને હત્યા તેમજ જાહેર સ્થળે છરી રાખવા બદલ દોષિત ઠેરવ્યો હતો. આ હુમલામાં હેનરીને ગંભીર ઈજાઓ થઈ હતી અને તે ઘટનાસ્થળે જ ઢળી પડ્યો હતો.

આ કેસમાં વિક્રમની 53 વર્ષીય માતા કિરણ કૌર (Kiran Kaur) ને પણ પુરાવાનો નાશ કરવામાં મદદ કરવા બદલ દોષિત જાહેર કરવામાં આવી છે. જજ વિલિયમ મૌસ્લેએ (Judge William Mousley) આ કેસને અત્યંત જટિલ ગણાવ્યો હતો.