પીએમ મોદીએ મેક્રોન સાથે કરી વાતચીત, હોર્મુઝ મુદ્દે ભારત અને ફ્રાંસ એકમત

પશ્ચિમ એશિયા (West Asia) માં સતત વધી રહેલા તણાવ વચ્ચે વડાપ્રધાન નરેન્દ્ર મોદી (PM Narendra Modi) એ ફ્રાંસના રાષ્ટ્રપતિ ઈમેન્યુઅલ મેક્રોન સાથે ટેલિફોનિક વાતચીત કરી હતી. બંને નેતાઓએ પ્રવર્તમાન પરિસ્થિતિ પર ઊંડી ચિંતા વ્યક્ત કરી અને વ્યૂહાત્મક રીતે મહત્વપૂર્ણ એવા હોર્મુઝની સામુદ્રધુની (Strait of Hormuz) માં સુરક્ષા અને અવરજવરની સ્વતંત્રતા જાળવી રાખવા પર ભાર મૂક્યો હતો.

પીએમ મોદીએ સોશિયલ મીડિયા પ્લેટફોર્મ ‘X’ પર આ સંવાદની વિગતો શેર કરતા મેક્રોનને પોતાના ‘મિત્ર’ ગણાવ્યા હતા. તેમણે જણાવ્યું કે વર્તમાન કટોકટી (Crisis) ને જોતા દરિયાઈ માર્ગોની સુરક્ષા સુનિશ્ચિત કરવી અત્યંત આવશ્યક છે. ભારત અને ફ્રાંસ આ ક્ષેત્રમાં શાંતિ અને સ્થિરતા (Peace and Stability) સ્થાપિત કરવા માટે સાથે મળીને કામ કરવાનું ચાલુ રાખશે. વૈશ્વિક એનર્જી સપ્લાય (Global Energy Supply) માટે હોર્મુઝનો માર્ગ ખૂબ જ સંવેદનશીલ હોવાથી બંને દેશોની આ રાજદ્વારી (Diplomatic) પહેલ ખૂબ મહત્વની માનવામાં આવે છે.