PM Modi Instagram | વડાપ્રધાન નરેન્દ્ર મોદીએ (PM Narendra Modi) ડિજિટલ પ્લેટફોર્મ પર વધુ એક ઐતિહાસિક સિદ્ધિ હાંસલ કરી છે. તેઓ સોશિયલ મીડિયા પ્લેટફોર્મ ઇન્સ્ટાગ્રામ (Instagram) પર 10 કરોડ (100 Million) ફોલોવર્સનો આંકડો પાર કરનારા વિશ્વના પ્રથમ અને એકમાત્ર રાજકીય નેતા બન્યા છે. છેલ્લા એક દાયકામાં પીએમ મોદીનું એકાઉન્ટ વૈશ્વિક સ્તરે સૌથી વધુ જોડાણ ધરાવતી ડિજિટલ સ્પેસ (Digital Space) તરીકે ઉભરી આવ્યું છે.
વિશ્વના નેતાઓમાં કોણ છે રેસમાં?
વૈશ્વિક સ્તરે પીએમ મોદીની લોકપ્રિયતા અમેરિકી રાષ્ટ્રપતિ ડોનાલ્ડ ટ્રમ્પ (Donald Trump) કરતા પણ બમણી જોવા મળી રહી છે. ઇન્સ્ટાગ્રામ ફોલોવર્સના આધારે રેન્કિંગ (Ranking):
પીએમ નરેન્દ્ર મોદી (ભારત): 10 કરોડ (100 Million)
ડોનાલ્ડ ટ્રમ્પ (USA): 4.32 કરોડ
પ્રબોવો સુબિયાન્ટો (ઇન્ડોનેશિયા): 1.5 કરોડ
રેસેપ તૈયપ એર્દોગન (તુર્કી): 1.16 કરોડ
ભારતીય રાજકારણમાં દબદબો
ભારતમાં પણ અન્ય રાજકારણીઓ પીએમ મોદીથી ઘણા પાછળ છે. ઉત્તર પ્રદેશના મુખ્યમંત્રી (UP CM) યોગી આદિત્યનાથ 1.61 કરોડ ફોલોવર્સ સાથે બીજા સ્થાને છે, જ્યારે વિરોધ પક્ષના નેતા (LoP) રાહુલ ગાંધી 1.26 કરોડ ફોલોવર્સ સાથે ત્રીજા સ્થાને છે.
ઇઝરાયલ મુલાકાત દરમિયાન મળી આ સિદ્ધિ
આ સિદ્ધિ એવા સમયે મળી છે જ્યારે પીએમ મોદી ઇઝરાયલની (Israel) ઐતિહાસિક મુલાકાતે છે. બુધવારે તેમને ઇઝરાયલી સંસદ ‘નેસેટ’ (Knesset) દ્વારા સર્વોચ્ચ સન્માન ‘સ્પીકર ઓફ ધ નેસેટ’ મેડલથી નવાજવામાં આવ્યા હતા. પીએમ મોદીની આ વૈશ્વિક પહોંચ અને વધતી લોકપ્રિયતા યુવાનોમાં તેમના પ્રત્યેના આકર્ષણને દર્શાવે છે.
About The Author
