નવસારીમાં નરાધમ સાવકા પિતાની ક્રૂરતા: બે સગીર દીકરીઓ પર દુષ્કર્મ ગુજારી ગર્ભવતી બનાવી

Navsari Crime News: નવસારી (Navsari) જિલ્લાના ચીખલી (Chikhli) તાલુકામાંથી માનવતાને શર્મસાર કરતી હૃદયદ્રાવક ઘટના સામે આવી છે. એક પાખંડી સાવકા પિતાએ પોતાની જ બે સગીર (Minor) દીકરીઓ પર વારંવાર દુષ્કર્મ (Rape) ગુજારી તેમને ગર્ભવતી બનાવી હોવાનો સનસનીખેજ ખુલાસો થયો છે.

આ પાપનો ઘડો ત્યારે ફૂટ્યો જ્યારે નાની દીકરીને પેટમાં અસહ્ય દુખાવો ઉપડતા તેને કુકેરી PHC સેન્ટર (Health Center) લઈ જવામાં આવી હતી. સોનોગ્રાફી (Sonography) રિપોર્ટમાં સગીરાને 5 માસનો ગર્ભ હોવાનું સામે આવ્યું હતું. ત્યારબાદ મોટી દીકરીની તપાસ કરાવતા તે પણ 2 માસની ગર્ભવતી હોવાનું બહાર આવ્યું છે. આરોપી પિતા અનિલ રાઠોડ દીકરીઓને જંગલમાં લાકડા લેવા જવાના બહાને અથવા રાત્રે પરિવારના ઊંઘી ગયા બાદ હવસનો શિકાર બનાવતો હતો.

આરોપી દીકરીઓને ધમકી આપતો હતો કે જો તેઓ કોઈને વાત કરશે તો તે પરિવારને ભૂખ્યા રાખશે. માતાની ફરિયાદના આધારે ચીખલી પોલીસે આરોપી વિરુદ્ધ પોક્સો એક્ટ (POCSO Act) અને ભારતીય ન્યાય સંહિતા (BNS) ની વિવિધ કલમો હેઠળ ગુનો નોંધી તેની ધરપકડ (Arrest) કરી લીધી છે.