Ms. Sonam Uttam Maskar એ વર્લ્ડ કપમાં વેસ્ટર્ન રેલ્વેનુ નામ રોશન કર્યું

વેસ્ટર્ન રેલવે હેડક્વાર્ટર ઓફિસ, ચર્ચગેટના જુનિયર ક્લાર્ક મિસ સોનમ ઉત્તમ મસ્કર (Ms. Sonam Uttam Maskar) એ ISSF વર્લ્ડ કપ, ચાઇનામાં

તેમના ઉત્કૃષ્ટ પ્રદર્શન દ્વારા ભારત અને વેસ્ટર્ન રેલવેનું નામ ફરી એકવાર રોશન કર્યું છે.

તેમણે 10 મીટર એર રાઇફલ મિશ્રિત ટીમ સ્પર્ધામાં (10m Air Rifle Mixed Team Event) ભારત માટે બ્રોન્ઝ🥉 મેડલ જીત્યો છે, જે તેમની સિદ્ધિઓમાં વધુ એક પ્રતિષ્ઠિત આંતરરાષ્ટ્રીય મેડલ ઉમેરે છે.

આ ઉપરાંત, તેમણે મહિલાઓની 10 મીટર એર રાઇફલ વ્યક્તિગત ફાઇનલ માટે ક્વોલિફાઇ કર્યું હતું, જ્યાં તેમણે વિશ્વના શ્રેષ્ઠ શૂટર્સ સામે 5મું સ્થાન મેળવ્યું હતું. આ સ્પર્ધા દરમિયાન, તેમણે ક્વોલિફિકેશનમાં 2જું સ્થાન મેળવીને 634.3 નો પ્રભાવશાળી સ્કોર નોંધાવ્યો હતો, જે આંતરરાષ્ટ્રીય સ્તરે તેમની અસાધારણ સાતત્યતા દર્શાવે છે.

તેમના સતત આંતરરાષ્ટ્રીય પ્રદર્શનના આધારે, મિસ મસ્કરની એશિયન ગેમ્સ 2026 માં ભારતનું પ્રતિનિધિત્વ કરવા માટે પસંદગી થઈ ચૂકી છે, જ્યાં તેઓ દેશનું નામ રોશન કરવા માટે ફરી એકવાર પ્રયત્ન કરશે.

તેમની આ નોંધપાત્ર સિદ્ધિઓ તેમના સમર્પણ, શિસ્ત અને દ્રઢ નિશ્ચયને દર્શાવે છે. વેસ્ટર્ન રેલવે સ્પોર્ટ્સ એસોસિએશન, તેમના કોચ વિશ્વજીત શિંદે, રાખી સાબળે (Rakhee Samant) અને સમગ્ર વેસ્ટર્ન રેલવે પરિવારને તેમની સિદ્ધિઓ પર ખૂબ જ ગર્વ છે અને તેઓ તેમને આગામી આંતરરાષ્ટ્રીય સ્પર્ધાઓ માટે સતત સફળતાની શુભેચ્છા પાઠવે છે.