માઇક્રોનના CEO સંજય મેહરોત્રાની મોટી જાહેરાત: ટ્રમ્પ ચાઇલ્ડ સેવિંગ્સ એકાઉન્ટ્સ માટે 250 મિલિયન ડોલર આપશે

Micron Investment America | સેમિકન્ડક્ટર (semiconductor) ક્ષેત્રની અગ્રણી કંપની માઇક્રોન ટેકનોલોજી (Micron Technology) અમેરિકાની ફેડરલ “ટ્રમ્પ એકાઉન્ટ્સ” (Trump Accounts) પહેલમાં 250 મિલિયન (million) ડોલરનું રોકાણ કરશે.

કંપનીના ચીફ એક્ઝિક્યુટિવ ઓફિસર સંજય મેહરોત્રા (Sanjay Mehrotra)એ સોશિયલ મીડિયા પ્લેટફોર્મ એક્સ (X) પર આ મહત્વપૂર્ણ જાહેરાત કરી છે.

આ યોગદાનનો મુખ્ય ઉદ્દેશ્ય બાળકોને ભવિષ્યના શિક્ષણ, ઘર ખરીદવા અથવા નવો બિઝનેસ શરૂ કરવા માટે બચત કરવામાં મદદ કરવાનો છે.

સંજય મેહરોત્રાએ આ રોકાણને કોઈ પણ કંપની દ્વારા કરવામાં આવેલું અત્યાર સુધીનું સૌથી મોટું કમિટમેન્ટ (commitment) ગણાવ્યું છે.

આ યોજનાથી અંદાજે 1 મિલિયન એટલે કે 10 લાખ અમેરિકન બાળકોને સીધો ફાયદો થશે. તેમણે લખ્યું, “અમેરિકન ડ્રીમ (American Dream) તકથી શરૂ થાય છે અને આજે અમે તેને 10 લાખ અમેરિકન બાળકોના હાથમાં સોંપી રહ્યા છીએ.”

આ પહેલ હેઠળ, માઇક્રોન કંપની તેના યુએસ (U.S.) કર્મચારીઓના બાળકો માટે પ્રતિ બાળક 1,000 ડોલર સુધીની રકમ મેચ (match) કરશે.

આ ઉપરાંત, કંપની અમેરિકાના 7 રાજ્યોમાં જ્યાં પોતાના પ્લાન્ટ્સ ચલાવે છે, ત્યાંના સ્થાનિક સમુદાયોના દરેક બાળક માટે 250 ડોલરનું યોગદાન આપશે.

CEO સંજય મેહરોત્રાએ આ સામાજિક પહેલને માઇક્રોનની વ્યાપક સ્થાનિક રોકાણ વ્યૂહરચના (investment strategy) સાથે જોડી હતી. તેમણે નોંધ્યું કે કંપનીએ યુએસ સેમિકન્ડક્ટર મેન્યુફેક્ચરિંગ (manufacturing) પ્રોજેક્ટ્સ માટે 200 બિલિયન (billion) ડોલરથી વધુનું રોકાણ કર્યું છે, જેનાથી 90,000 થી વધુ નોકરીઓ (jobs) ઉભી થવાની અપેક્ષા છે.

તેમણે આ તક આપવા બદલ રાષ્ટ્રપ્રમુખ ડોનાલ્ડ ટ્રમ્પ (Donald Trump) અને ટ્રેઝરી સેક્રેટરી સ્કોટ બેસેન્ટનો (Scott Bessent) આભાર માન્યો હતો, અને માઈકલ ડેલ (Michael Dell) જેવા બિઝનેસ લીડર્સ સાથે જોડાવા બદલ ગર્વ વ્યક્ત કર્યો હતો.

ટ્રમ્પ એકાઉન્ટ્સ પ્રોગ્રામ એ એક નવી ફેડરલ યોજના છે જે અંતર્ગત પાત્રતા ધરાવતા અમેરિકન બાળકોને સરકાર તરફથી વન-ટાઇમ (one-time) 1,000 ડોલરનું ઇન્વેસ્ટમેન્ટ એકાઉન્ટ મળે છે, જે લો-કોસ્ટ સ્ટોક માર્કેટ ઇન્ડેક્સ ફંડમાં (index fund) રોકાણ કરવામાં આવે છે.

1978 માં સ્થપાયેલી માઇક્રોન ટેકનોલોજી વિશ્વની સૌથી મોટી મેમરી અને સ્ટોરેજ (storage) પ્રોડક્ટ્સ બનાવતી કંપનીઓમાંની એક છે, જે આર્ટિફિશિયલ ઇન્ટેલિજન્સ (AI) અને ડેટા સેન્ટર્સ માટે ચિપ્સ સપ્લાય કરે છે.

ભારતમાં જન્મેલા એન્જિનિયર સંજય મેહરોત્રા 2017 થી માઇક્રોનનું નેતૃત્વ કરી રહ્યા છે અને તે પહેલાં તેઓ સેનડિસ્કના (SanDisk) સહ-સ્થાપક અને CEO રહી ચૂક્યા છે. તેમણે પોતાની પોસ્ટના અંતમાં લખ્યું કે, “આપણે 250 વર્ષથી આ દેશનું નિર્માણ કરી રહ્યા છીએ. આજે આપણે જે બાળકોમાં રોકાણ કરી રહ્યા છીએ, તે આગામી 250 વર્ષનું નિર્માણ કરશે.”