Mehsana Murder News | મહેસાણા શહેરમાં સ્થાનિક સ્વરાજ્યની ચૂંટણી (Local Body Elections) ના પ્રચારના ધમધમાટ વચ્ચે કાયદો અને વ્યવસ્થાની સ્થિતિ કથળી હોવાની ગંભીર ઘટના સામે આવી છે. શહેરના વોર્ડ નંબર 4 (Ward Number 4) માં ભાજપ (BJP) અને કોંગ્રેસ (Congress) ના સમર્થકો વચ્ચે થયેલા વિવાદે હિંસક વળાંક લીધો હતો.
આ ‘ખૂની ખેલ’ (Bloody Clash) માં ભાજપના ઉમેદવાર મહેન્દ્ર ચૌધરી (Mahendra Chaudhary) ના ભાણા મિતેન ચૌધરી (Miten Chaudhary) પર તીક્ષ્ણ હથિયારોથી હુમલો કરી તેની નિર્મમ હત્યા (Murder) કરવામાં આવી છે.
મળતી માહિતી મુજબ, ગત મોડી રાત્રે જ્યારે મિતેન ચૌધરી અને તેનો મિત્ર ધીમંત ચૌધરી (Dhimant Chaudhary) ગાડીમાં પસાર થઈ રહ્યા હતા, ત્યારે માનવઆશ્રમ ચોકડી (Manav Ashram Chokdi) પાસે 4થી 5 અજાણ્યા શખસોએ તેમની કાર આંતરી હતી.
હુમલાખોરોએ પૂર્વ આયોજિત કાવતરા (Conspiracy) મુજબ લાકડીઓ, પાઈપ અને છરી (Knife) વડે હુમલો કર્યો હતો. ગંભીર રીતે ઈજાગ્રસ્ત મિતેનને તાત્કાલિક હોસ્પિટલ (Hospital) ખસેડાયો હતો, પરંતુ સારવાર દરમિયાન તેણે દમ તોડ્યો હતો.
આ હિંસામાં કોંગ્રેસ ઉમેદવાર નીલાબેન ચૌધરી (Neelaben Chaudhary)ના પતિ ભરત ચૌધરી (Bharat Chaudhary) ને પણ ઈજાઓ પહોંચી છે. જોકે, સારવાર લીધા બાદ કોંગ્રેસના ઉમેદવારનો પતિ ગાયબ થઇ ગયા હોવાના અહેવાલ છે.
પોલીસ તપાસ અને ચુસ્ત બંદોબસ્ત : ઘટનાની ગંભીરતા જોતા DySP મિલાપ પટેલ (DySP Milap Patel) સહિત LCB અને એ-ડિવિઝન પોલીસનો કાફલો ઘટનાસ્થળે દોડી ગયો હતો. પોલીસે હુમલાખોરોને ઓળખવા માટે CCTV ફૂટેજ અને કોલ ડિટેલ રેકોર્ડ (CDR) ની તપાસ હાથ ધરી છે. હત્યાના સમાચાર વાયુવેગે પ્રસરતા સમગ્ર પંથકમાં ભારેલા અગ્નિ જેવી સ્થિતિ સર્જાઈ છે.
ગામમાં શોકનું મોજું : આજે સવારે મિતેન ચૌધરીના મૃતદેહનું પોસ્ટમોર્ટમ (Post-mortem) કર્યા બાદ તેની અંતિમયાત્રા (Funeral Procession) તાવડિયા ગામે કાઢવામાં આવી હતી. પોલીસના ચુસ્ત બંદોબસ્ત (Police Security) વચ્ચે હજારોની સંખ્યામાં ચૌધરી સમાજના લોકો અંતિમ સંસ્કારમાં જોડાયા હતા. હાલમાં પોલીસે ગુનો નોંધી ફરાર આરોપીઓને પકડવા ચક્રો ગતિમાન કર્યા છે. ચૂંટણી ટાણે થયેલી આ હત્યાએ સમગ્ર રાજ્યમાં ચર્ચા જગાવી છે.
આ સમગ્ર બાબતે પોલીસે ગુનાહિત કાવતરું કેવી રીતે રચ્યું છે, આ ગુનાહિત કાવતરામાં કોણ કોણ વ્યક્તિઓની સંડોવણી છે? તે દિશામાં તપાસ શરૂ કરી છે.
