મોંઘવારીનો ડામ: 1 એપ્રિલથી તાવ, દુખાવા અને ઇન્ફેક્શનની 1000થી વધુ દવાઓ મોંઘી થશે

Medicines Become Expensive: આગામી 1 એપ્રિલ 2026થી સામાન્ય જનતાના ખિસ્સા પર વધુ એક બોજ પડવા જઈ રહ્યો છે.

સરકાર દ્વારા આવશ્યક દવાઓના ભાવમાં અંદાજે 0.6% ના વધારાને મંજૂરી આપવામાં આવી છે. નેશનલ ફાર્માસ્યુટિકલ પ્રાઇસિંગ ઓથોરિટી (NPPA) એ હોલસેલ પ્રાઈસ ઇન્ડેક્સ (WPI) માં થયેલા ફેરફારના આધારે આ નિર્ણય લીધો છે.

​આ વધારાની અસર 1,000 થી વધુ જરૂરી દવાઓ પર પડશે, જેમાં તાવ માટે વપરાતી પેરાસીટામોલ, ઇન્ફેક્શન માટેની એઝિથ્રોમાસીન, વિટામિન્સ અને એનીમિયા (Anemia) ની દવાઓનો સમાવેશ થાય છે.

જોકે, ફાર્મા ઉદ્યોગના નિષ્ણાતોનું કહેવું છે કે ઈરાન યુદ્ધ (Iran War) ને કારણે કાચા માલ (APIs) અને પેકેજિંગ મટિરિયલના ભાવમાં 30-35% નો ઉછાળો આવ્યો છે, જેની સરખામણીએ આ 0.6% નો વધારો ખૂબ જ ઓછો છે. ગ્લિસરીન અને પેરાસીટામોલ API ના ભાવ વધતા ઉત્પાદન ખર્ચમાં મોટો વધારો થયો છે.