ભારતમાં LPG સંકટ: પેટ્રોલ પંપ પર કેરોસીન વેચવાની મંજૂરી, હોર્મુઝની ખાડીમાં 18 જહાજ ફસાયા

LPG Shortage and Kerosene Return | મધ્ય-પૂર્વના યુદ્ધના કારણે ભારતમાં એલપીજી (LPG) પુરવઠા પર અસર પડી છે. આ સંકટને પહોંચી વળવા કેન્દ્ર સરકારે વર્ષ 2020 પછી પ્રથમવાર બજારમાં કેરોસીનના (Kerosene) વેચાણને મંજૂરી આપી છે. નવા ગેઝેટ નોટિફિકેશન મુજબ, દરેક જિલ્લામાં વધુમાં વધુ 2 પેટ્રોલ પંપો (Petrol Pumps) 5,000 લીટર સુધી કેરોસીનનો સંગ્રહ અને વેચાણ કરી શકશે. આ છૂટછાટ અસ્થાયી છે અને તેનો ઉપયોગ માત્ર રાંધણ તથા પ્રકાશ માટે જ કરી શકાશે.

હોર્મુઝની ખાડીમાં ફસાયેલા જહાજો (Ships in Strait of Hormuz): ભારતીય ધ્વજવાળા વધુ 2 જહાજ, ‘બીડબલ્યુ ટીવાયઆર’ અને ‘બીડબલ્યુ ઈએલએમ’, 94,000 ટન એલપીજી કાર્ગો સાથે હોર્મુઝની ખાડી (Strait of Hormuz) સુરક્ષિત રીતે પાર કરી ચૂક્યા છે. જોકે, હજુ પણ 485 ભારતીય નાવિકો સાથેના 18 જહાજ ત્યાં ફસાયેલા છે. સરકાર આ જહાજોને સુરક્ષિત રીતે ભારતીય બંદરો પર લાવવા પ્રયત્નશીલ છે.

પીએનજી અને કમર્શિયલ સપ્લાય (PNG and Commercial Supply): એલપીજીની અછતને ઓછી કરવા માર્ચ મહિનામાં રેકોર્ડ 2.9 લાખ નવા પીએનજી (PNG Connection) કનેક્શન આપવામાં આવ્યા છે. હોટેલ, રેસ્ટોરાં અને ઉદ્યોગો માટે કમર્શિયલ એલપીજીનો (Commercial LPG) સપ્લાય વધારવામાં આવ્યો છે. આ સાથે જ ઇંધણની કાળાબજારી રોકવા માટે દેશભરમાં 2,900 દરોડા પાડીને 1,000 થી વધુ સિલિન્ડર જપ્ત કરવામાં આવ્યા છે.