રશિયા-યુક્રેન યુદ્ધ ઉગ્ર બન્યું: કીવ પર બેલેસ્ટિક મિસાઈલોનો મોટો હુમલો, પોલેન્ડ હાઈ એલર્ટ પર

Russia Ukraine War | રશિયા અને યુક્રેન વચ્ચે ચાલી રહેલું યુદ્ધ (war) ફરી એકવાર અત્યંત ભયાનક વળાંક પર પહોંચી ગયું છે. ગુરુવારે વહેલી સવારે રશિયાએ યુક્રેનની રાજધાની કીવ પર અત્યાર સુધીનો સૌથી મોટો હવાઈ હુમલો (air strike) કર્યો છે.

રશિયન સેનાએ કીવને નિશાન બનાવીને એકસાથે ડઝનબંધ ડ્રોન (drones) અને બેલેસ્ટિક મિસાઈલોનો (ballistic missiles) મારો ચલાવ્યો હતો, જેના કારણે હજારો નાગરિકોએ અડધી રાત્રે મેટ્રો સ્ટેશનો અને અંડરગ્રાઉન્ડ બંકરોમાં (bunkers) છુપાવવું પડ્યું હતું.

આ ભીષણ હુમલામાં મધ્ય કીવની એક હોટલ અને 9 માળની રહેણાંક ઈમારત (apartment building) પર મિસાઈલ પડતા ભારે આગ લાગી હતી અને બિલ્ડિંગનો એક મોટો ભાગ ધરાશાયી થઈ ગયો હતો.

આ સિવાય એક એમ્બ્યુલન્સ સ્ટેશન પણ આ હુમલાનો ભોગ બન્યું છે. પ્રાથમિક અહેવાલો મુજબ, આ હુમલામાં 11 થી વધુ લોકો ઈજાગ્રસ્ત થયા છે.

પરિસ્થિતિની ગંભીરતાને ધ્યાનમાં રાખીને યુક્રેનના રાષ્ટ્રપ્રમુખ વોલોડીમીર ઝેલેન્સકીએ પોતાનો આયર્લેન્ડનો (Ireland) સત્તાવાર પ્રવાસ ટૂંકાવી દીધો છે અને તેઓ પરત ફરી રહ્યા છે.

બીજી તરફ, રશિયાનો આ હુમલો પશ્ચિમી યુક્રેનની સરહદ નજીક હોવાથી નાટોના (NATO) સભ્ય દેશ પોલેન્ડે (Poland) પણ પોતાની મિલિટરી અને એરફોર્સને (air force) હાઈ એલર્ટ (high alert) પર મૂકી દીધી છે.