અમેરિકા (USA), ઈઝરાયેલ (Israel) અને ઈરાન (Iran) વચ્ચેના તણાવ વચ્ચે હવે તૂર્કિયે (Turkey) અને ઈઝરાયેલ સામસામે આવી ગયા છે. તૂર્કિયેના વિદેશ મંત્રી (Foreign Minister) હાકાન ફિદાને સોમવારે જણાવ્યું હતું કે ઈઝરાયેલ ‘દુશ્મન (Enemy) વિના રહી શકતું નથી’ અને તેની સરકાર હવે તૂર્કિયેને નવા શત્રુ તરીકે રજૂ કરવાનો પ્રયાસ કરી રહી છે.
ગાઝા યુદ્ધ (Gaza War) શરૂ થયા પછી બંને દેશો વચ્ચે તણાવ (Tension) સતત વધી રહ્યો છે. આ વિવાદ આ અઠવાડિયે ત્યારે ચરમસીમાએ પહોંચ્યો જ્યારે રાષ્ટ્ર પ્રમુખ રેસેપ તૈયપ એર્દોગન (Recep Tayyip Erdoğan) અને વડાપ્રધાન બેન્જામિન નેતન્યાહૂ (Benjamin Netanyahu)એ એકબીજા પર આકરા પ્રહારો કર્યા હતા.
વિદેશ મંત્રીની ચેતવણી:
ફિદાને એક ઈન્ટરવ્યૂમાં કહ્યું કે, માત્ર નેતન્યાહૂ વહીવટીતંત્ર (Administration) જ નહીં, પરંતુ ઈઝરાયેલના વિપક્ષી નેતાઓ પણ તૂર્કિયેને નવો ટાર્ગેટ બનાવી રહ્યા છે. આ એક સોચી-સમજેલી રાજ્ય વ્યૂહરચના (State Strategy) જેવું લાગી રહ્યું છે.
વિવાદનું મુખ્ય કારણ:
નેતન્યાહૂએ એર્દોગન પર પોતાના જ કુર્દ (Kurd) નાગરિકોનો ‘નરસંહાર’ (Genocide) કરવાનો અને ઈરાનના આતંકવાદી શાસનને ટેકો આપવાનો આરોપ લગાવ્યો હતો. તેના જવાબમાં એર્દોગને પણ આક્રમક નિવેદન આપ્યું હતું, જેના કારણે હવે આ મામલો માત્ર નિવેદનબાજી પૂરતો સીમિત ન રહેતા વ્યૂહાત્મક (Strategic) વિવાદ બની ગયો છે.