નેતન્યાહૂનો મોટો નિર્ણય: લેબનોનમાં લિતાની નદી સુધી ઈઝરાયલનો કબજો, મિડલ ઈસ્ટનો નક્શો બદલાયો

મિડલ ઈસ્ટના યુદ્ધમાં 29 માર્ચના રોજ એક ઐતિહાસિક વળાંક આવ્યો છે. ઈઝરાયલના વડાપ્રધાન બેન્જામિન નેતન્યાહૂએ (Benjamin Netanyahu) લેબનોનની અંદર લિતાની નદી (Litani River) સુધીના વિસ્તાર પર ઈઝરાયલી સેનાના કબજાની જાહેરાત કરી છે. આ વ્યૂહાત્મક પગલાથી હવે મિડલ ઈસ્ટના ભૌગોલિક સમીકરણો સંપૂર્ણપણે બદલાઈ ગયા છે.

દુશ્મનના ઘરમાં સુરક્ષા કવચ 
નેતન્યાહૂના આદેશ અનુસાર, ઈઝરાયલી સેના હવે લિતાની નદી સુધીના 30 કિમી (30 km) વિસ્તારમાં કાયમી બફર ઝોન (Buffer Zone) બનાવશે. આ ઓપરેશનનો મુખ્ય હેતુ ઉત્તરીય સરહદ પરથી હિઝબુલ્લાહ (Hezbollah) ના ખતરાને કાયમ માટે ખતમ કરવાનો છે. ઈઝરાયલ હવે રક્ષણાત્મક નીતિ છોડી આક્રમક મૂડમાં દુશ્મનના વિસ્તારમાં સુરક્ષા પરિમિતિ સ્થાપિત કરી રહ્યું છે.

ઈરાન અને હિઝબુલ્લાહને ફટકો
લિતાની નદીનો દક્ષિણ વિસ્તાર વર્ષોથી હિઝબુલ્લાહનું ગઢ રહ્યો છે, જ્યાં ઈરાન (Iran) દ્વારા ફંડેડ અનેક ટનલો, બંકરો અને મિસાઈલ લોન્ચિંગ પેડ્સ (Missile Launching Pads) આવેલા છે. ઈઝરાયલના આ કબજાથી ઈરાન માટે આ એક મોટો વ્યૂહાત્મક ફટકો (Strategic Blow) સાબિત થયો છે. 2006 ના સંયુક્ત રાષ્ટ્રના ઠરાવ (UN Resolution) મુજબ હિઝબુલ્લાહે આ નદીની પાછળ રહેવાનું હતું, પરંતુ તેનો ભંગ થતા હવે ઈઝરાયલે સૈન્ય તાકાતથી આ વિસ્તારને ‘ક્લીન’ કરવાનો નિર્ણય લીધો છે.