યરૂશલેમમાં વિવાદ: પવિત્ર ચર્ચમાં કેથોલિક ધર્મગુરુઓને પ્રવેશતા રોક્યા, વિરોધ બાદ નેતન્યાહૂએ આપી મંજૂરી

Jerusalem Palm Sunday Controversy | પશ્ચિમ એશિયામાં વધી રહેલા યુદ્ધના તણાવ વચ્ચે જેરૂસલેમમાં (Jerusalem) એક મોટી ધાર્મિક ઘટના બની છે. ઈસાઈ ધર્મના સૌથી પવિત્ર સ્થળોમાંના એક એવા ‘ચર્ચ ઓફ ધ હોલી સેપલ્ચર’ (Church of the Holy Sepulcher) માં પવિત્ર રવિવાર એટલે કે પામ સન્ડે (Palm Sunday) ના અવસરે વરિષ્ઠ કેથોલિક પાદરીઓને પ્રવેશતા રોકવામાં આવ્યા હતા. ઈઝરાયલી પોલીસ દ્વારા લેટિન પેટ્રિઆર્ક કાર્ડિનલ પિયરબત્તીસ્તા પિઝાબલ્લા (Pierbattista Pizzaballa) ને અટકાવવામાં આવતા આંતરરાષ્ટ્રીય સ્તરે વિવાદ છેડાયો હતો.

ઈતિહાસમાં પ્રથમવાર આવી ઘટના (Historic Restriction): ચર્ચના અધિકારીઓના જણાવ્યા મુજબ, સદીઓના ઈતિહાસમાં આ પ્રથમ ઘટના છે જ્યારે ચર્ચના પ્રમુખોને પ્રાર્થના કરતા રોકવામાં આવ્યા હોય. આ પાદરીઓ કોઈ પણ સરઘસ વગર ખાનગી રીતે પ્રાર્થના માટે જઈ રહ્યા હતા. અમેરિકી રાજદૂત માઈક હકાબી (Mike Huckabee) સહિત વિદેશી સરકારોએ આ ઘટનાની કડક શબ્દોમાં નિંદા કરી હતી. નોંધનીય છે કે, આ એ જ ચર્ચ છે જ્યાં ઈસુ ખ્રિસ્તને (Jesus Christ) સૂલી પર ચઢાવવામાં આવ્યા હોવાની અને તેઓ પુનર્જીવિત થયા હોવાની માન્યતા છે.

નેતન્યાહૂનો હસ્તક્ષેપ (Netanyahu Intervention): વિવાદ વધતા વડાપ્રધાન બેન્જામિન નેતન્યાહૂએ (Benjamin Netanyahu) તાત્કાલિક હસ્તક્ષેપ કર્યો હતો. તેમણે સ્પષ્ટતા કરી કે ઈરાન (Iran) દ્વારા યરૂશલેમના પવિત્ર સ્થળો પર સતત મિસાઈલ હુમલા (Missile Attacks) થઈ રહ્યા હોવાથી સુરક્ષાના કારણોસર આ પગલું લેવાયું હતું. જોકે, બાદમાં નેતન્યાહૂએ સોશિયલ મીડિયા પ્લેટફોર્મ ‘X’ પર જાણકારી આપી હતી કે તેમણે અધિકારીઓને કાર્ડિનલ પિઝાબલ્લાને તાત્કાલિક ચર્ચમાં પ્રવેશ આપવા અને તેમની ઈચ્છા મુજબ પ્રાર્થના સભા (Prayer Service) યોજવા નિર્દેશ આપ્યા છે.