Indians Australia migrants | ઓસ્ટ્રેલિયામાં ભારતીયો હવે સૌથી મોટા પ્રવાસી સમૂહ (Migrant Group) તરીકે ઉભરી આવ્યા છે. ઇતિહાસમાં પહેલીવાર એવું બન્યું છે કે ભારતીયોએ બ્રિટિશરો (English) ને પાછળ છોડી દીધા છે. આ બદલાવ ઓસ્ટ્રેલિયામાં ઇમિગ્રેશન (Immigration) ના રાજકીય મુદ્દાને વધુ ગરમાવી રહ્યો છે.
ઓસ્ટ્રેલિયન બ્યુરો ઓફ સ્ટેટિસ્ટિક્સ (Australian Bureau of Statistics) ના ડેટા અનુસાર, ઓસ્ટ્રેલિયામાં લગભગ 971,020 લોકો એટલે કે કુલ વસ્તીના 5.2% લોકો ભારતમાં જન્મેલા છે, જે ઇંગ્લેન્ડમાં જન્મેલા 970,950 લોકો કરતાં સહેજ વધારે છે.
વર્ષ 2013 માં ઇંગ્લેન્ડના પ્રવાસીઓની સંખ્યા 10 લાખથી વધુ હતી, જે હવે ઘટી ગઈ છે. આ યાદીમાં 732,000 ની વસ્તી સાથે ચીન ત્રીજા ક્રમે અને 638,000 સાથે ન્યુઝીલેન્ડ ચોથા ક્રમે છે.
ઓસ્ટ્રેલિયાના આર્થિક વિકાસ (Economic Growth) માં સ્થળાંતર હંમેશા મુખ્ય આધાર રહ્યું છે. મહામારીના ટૂંકા ગાળાને બાદ કરતાં, 1990 ના દાયકાથી ઓસ્ટ્રેલિયાને મંદી (Recession) માંથી બચાવવામાં આ વસ્તીએ મદદ કરી છે.
વર્ષ 2021 માં બોર્ડર સીલ થવાને કારણે આ સંખ્યા ઘટી હતી, પરંતુ 2022 માં વિદેશી મૂળના રહેવાસીઓનો હિસ્સો 29.5% હતો, જે વર્ષ 2025 માં વધીને 32% થયો છે.
જોકે, ઓસ્ટ્રેલિયામાં હાલ ચાલી રહેલી ઘરની અછત (Housing Shortage) ને કારણે ઇમિગ્રેશન હવે એક મોટો રાજકીય મુદ્દો (Political Flashpoint) બની ગયો છે.