ઇન્ડિયા એસોસિએશન ઓફ નોર્થ ટેક્સાસ દ્વારા આંતરરાષ્ટ્રીય મહિલા દિવસ 2026 ની ભવ્ય ઉજવણી ઇન્ડિયા એસોસિએશન ઓફ નોર્થ ટેક્સાસ (IANT) દ્વારા 8 માર્ચ 2026ના રોજ આંતરરાષ્ટ્રીય મહિલા દિવસની ભવ્ય ઉજવણી યોજાઈ. આ કાર્યક્રમમાં 800થી વધુ મહિલાઓ ઉત્સાહપૂર્વક જોડાઈ હતી અને કાર્યક્રમ ખૂબ જ સફળ રહ્યો. કાર્યક્રમ દરમિયાન મહિલાઓ માટે વિવિધ ક્ષેત્રોને પ્રોત્સાહન આપવા માટે 20 બૂથ સ્ટોલ્સનું આયોજન કરવામાં આવ્યું હતું, જ્યાં મહિલાઓ દ્વારા સંચાલિત બિઝનેસ અને સેવાઓનું પ્રદર્શન કરવામાં આવ્યું. આ પ્રસંગે 4 પ્રતિષ્ઠિત પેનલિસ્ટો (પૂજા સોલંકી , સપના પંજાબી , અંજલિ દેસાઈ , સ્નેહા નાડ્યાલા ) મહિલાઓના નેતૃત્વ, સમાજમાં તેમનું યોગદાન અને સશક્તિકરણ વિશે પોતાના વિચારો વ્યક્ત કર્યા.
ઉપરાંત, એક મુખ્ય વક્તા (Keynote Speaker) દ્વારા પ્રેરણાદાયક સંબોધન આપવામાં આવ્યું. સ્થાનિક ચૂંટાયેલા મહિલા પ્રતિનિધિઓ (Women Elected Officials) પણ કાર્યક્રમમાં હાજર રહી અને મહિલાઓના સશક્તિકરણ માટેના પ્રયત્નોને બિરદાવ્યા. કાર્યક્રમનું મુખ્ય આકર્ષણ “ઇન્ડિયન હેરિટેજ ફેશન શો” રહ્યું, જેમાં ભારતની વિવિધ સંસ્કૃતિ અને પરંપરાગત વેશભૂષાનો સુંદર પ્રદર્શન કરવામાં આવ્યું. વુમન ઓફ ધ યર એવોર્ડ રેડિયો સુરભી માલિક ઉદયાગીરીને એનાયત ઇન્ડિયા એસોસિએશન ઓફ નોર્થ ટેક્સાસ દ્વારા આંતરરાષ્ટ્રીય મહિલા દિવસ 2026ના પ્રસંગે “વુમન ઓફ ધ યર” એવોર્ડ રેડિયો સુરભીના માલિક રાજેશ્વરી ઉદયાગીરીને એનાયત કરવામાં આવ્યો.
આ પ્રસંગે ઉપસ્થિત મહેમાનો અને સમુદાયના સભ્યોએ તેમને અભિનંદન પાઠવી તેમની સિદ્ધિઓની પ્રશંસા કરી. આ કાર્યક્રમ દ્વારા ઇન્ડિયા એસોસિએશન ઓફ નોર્થ ટેક્સાસે સમાજમાં મહિલાઓની શક્તિ, પ્રતિભા અને યોગદાનને સન્માનિત કરવાનો એક મહત્વપૂર્ણ પ્રયાસ કર્યો