Gujarat Weather Forecast | ગુજરાતમાં ઉનાળાની આકરી ગરમી વચ્ચે વાતાવરણમાં મોટો પલટો (Climate change) આવ્યો છે. હવામાન વિભાગ (Weather department) દ્વારા આજે, 23 મે 2026 ના રોજ રાજ્યના વિવિધ ભાગોમાં ગાજવીજ સાથે વરસાદની આગાહી કરવામાં આવી છે.
આગામી 24 કલાક (Hours) દરમિયાન પ્રી-મોન્સૂન એક્ટિવિટીના (Pre-monsoon activity) પગલે સૌરાષ્ટ્ર અને દક્ષિણ ગુજરાતના વિસ્તારોમાં વરસાદી માહોલ જોવા મળી શકે છે.
હવામાન વિભાગના સત્તાવાર અહેવાલ મુજબ સૌરાષ્ટ્રના રાજકોટ, અમરેલી, ભાવનગર અને ગીર સોમનાથ તેમજ દક્ષિણ ગુજરાતના નર્મદા, તાપી, ડાંગ, નવસારી, વલસાડ અને કેન્દ્રશાસિત પ્રદેશો દીવ, દમણ, દાદરા અને નગર હવેલીમાં વરસાદની સંભાવના છે. શનિવાર (Saturday) સવારથી જ હિલ સ્ટેશન (Hill station) સાપુતારા ખાતે વાદળછાયા માહોલ વચ્ચે ધીમીધારે વરસાદ શરૂ થઈ ગયો છે.
વરસાદ અને ગાઢ ધુમ્મસના કારણે સાપુતારા ઘાટમાર્ગ પર વિઝિબિલિટી (Visibility) ઘટતા વાહનચાલકો મુશ્કેલીમાં મુકાયા છે. બીજી તરફ વલસાડમાં વાદળછાયા વાતાવરણથી ખેડૂતોમાં (Farmers) માર્કેટમાં (Market) આવી રહેલા કેરીના પાકને (Mango crop) નુકસાન થવાની ભીતિ સેવાઈ રહી છે. બાકીના વિસ્તારોમાં હવામાન મુખ્યત્વે સૂકું રહેશે.