ગુજરાતમાં આભમાંથી વરસી રહી છે આગ: અનેક શહેરોમાં પારો 43 ડિગ્રીને પાર, યલો એલર્ટ જાહેર

Gujarat Heatwave | સમગ્ર ગુજરાત રાજ્ય હાલ ભીષણ ગરમી અને અગનવર્ષાની સ્થિતિમાં શેકાઈ રહ્યું છે. હવામાન વિભાગ (IMD) ની તાજી આગાહી મુજબ, આગામી સાત દિવસ સુધી ગરમીથી રાહત મળવાની કોઈ શક્યતા નથી.

રાજ્યના મોટાભાગના વિસ્તારોમાં તાપમાનનો પારો 40 ડિગ્રી (40°C) ને વટાવી ગયો છે, જ્યારે અમરેલી અને રાજકોટ જેવા શહેરોમાં તો ગરમીએ માઝા મૂકી છે. હવામાન વિભાગે આગામી 2 દિવસ માટે ‘યલો એલર્ટ’ (Yellow Alert) જાહેર કર્યું છે.

તાપમાનમાં 2 થી 3 ડિગ્રીનો થશે વધારો

હવામાન વિભાગના જણાવ્યા અનુસાર, રાજ્યના આંતરિક વિસ્તારોમાં તાપમાન હજુ પણ 2 થી 3 ડિગ્રી (2-3°C) વધી શકે છે. ખાસ કરીને અમદાવાદ (Ahmedabad) માં પારો 43 ડિગ્રીને પાર પહોંચવાની સંભાવના છે.

હાલમાં અમરેલી (Amreli) 43.3 ડિગ્રી સાથે રાજ્યનું સૌથી ગરમ શહેર રહ્યું છે, જ્યારે રાજકોટ (Rajkot) માં પણ 43.1 ડિગ્રી તાપમાન નોંધાયું છે. ગરમ અને સૂકા પવનોને કારણે લૂ (Heatwave) જેવી સ્થિતિનો અહેસાસ થઈ રહ્યો છે.

મુખ્ય શહેરોના તાપમાન પર એક નજર:

સાત દિવસ સુધી રાહત નહીં

હવામાન વિભાગની આગાહી મુજબ, આગામી 7 દિવસ સુધી વાતાવરણ સૂકું રહેશે. ખાસ કરીને બપોરના સમયે ઘરની બહાર નીકળવાનું ટાળવા અને પુષ્કળ પ્રમાણમાં પ્રવાહી લેવાની સલાહ આપવામાં આવી છે. દરિયાકાંઠાના વિસ્તારોમાં ભેજવાળા પવનોને કારણે અસ્વસ્થતા (Discomfort) પણ વધી શકે છે. સ્થાનિક સ્વરાજ્યની ચૂંટણી (Local Body Election) ના માહોલ વચ્ચે વધી રહેલી આ ગરમી ઉમેદવારો અને મતદારો બંને માટે કસોટી સમાન સાબિત થઈ રહી છે.