ગુજરાતમાં નવા નીરની આવક: રાજ્યના 6 ડેમ 100% ભરાયા, 10 જળાશયો હાઇ એલર્ટ પર

ગુજરાતમાં જુલાઈ (July) મહિનાના પ્રારંભમાં પડેલા સાર્વત્રિક વરસાદ અને ઉપરવાસની આવકના કારણે રાજ્યના જળાશયોની જળસપાટીમાં મોટો વધારો થયો છે.

રાજ્યના 206 જળાશયોમાં અત્યાર સુધીમાં કુલ ક્ષમતાના 41.11 ટકા જેટલો પાણીનો સંગ્રહ થઈ ચૂક્યો છે. આ ડેમો (Dams) માંથી 6 ડેમ એવા છે જે 100 ટકા સંપૂર્ણ ભરાઈ ગયા છે, જ્યારે 18 ડેમમાં 70 થી 100 ટકા પાણી ઉપલબ્ધ છે.

પરિસ્થિતિની ગંભીરતાને જોતા તંત્ર દ્વારા 10 ડેમોને હાઈ એલર્ટ (High Alert) પર, 4 ડેમોને એલર્ટ (Alert) પર અને 10 ડેમોને વોર્નિંગ (Warning) પર રાખવામાં આવ્યા છે.

બીજી તરફ, રાજ્યની જીવાદોરી સમાન સરદાર સરોવર નર્મદા ડેમ (Narmada Dam) માં હાલ 2,19,922 mcft જળસંગ્રહ થયો છે, જે તેની કુલ ક્ષમતાના 65.83 ટકા છે. નર્મદા ડેમની સપાટી હાલ 416.56 ફૂટ પર પહોંચી છે. ડેમમાં પાણીની સતત આવક થતાં નીચાણવાળા વિસ્તારોને સાવચેત કરવામાં આવ્યા છે.

રાજ્યના કયા ડેમોને હાઇ એલર્ટ પર મુકવામાં આવ્યા

રાજ્યના મહત્વના ડેમોની સ્થિતિ