ગેસની અછત વચ્ચે કેન્દ્ર સરકારનો મોટો નિર્ણય: દેશમાં ECA એક્ટ લાગુ, જાણો સામાન્ય જનતાને શું થશે ફાયદો

ઈરાન યુદ્ધ (Iran War) બાદ ભારતમાં ગેસ સપ્લાય (Gas Supply) ને લઈને ચિંતા વધી રહી છે. અનેક શહેરોમાં ગેસની અછતના અહેવાલો વચ્ચે ભારત સરકારે ઘરેલુ રસોઈ ગેસ (LPG) નો પુરવઠો જાળવી રાખવા માટે આવશ્યક વસ્તુ અધિનિયમ (Essential Commodities Act – ECA) લાગુ કરી દીધો છે. આ કાયદા હેઠળ રિફાઇનરીઓ (Refineries) અને પેટ્રોકેમિકલ કંપનીઓને LPG નું ઉત્પાદન વધારવા અને ચોક્કસ હાઈડ્રોકાર્બનનો ઉપયોગ માત્ર ગેસ બનાવવા માટે કરવા નિર્દેશ અપાયો છે.

શું છે આ ECA એક્ટ? આવશ્યક વસ્તુ અધિનિયમ, 1955 (Essential Commodities Act, 1955) એ ભારત સરકારનો એવો કાયદો છે જે જરૂરી ચીજવસ્તુઓના ઉત્પાદન, સપ્લાય અને વિતરણને નિયંત્રિત કરે છે. તેનો મુખ્ય ઉદ્દેશ્ય સંગ્રહખોરી (Hoarding) અને કાળાબજાર રોકીને લોકોને વ્યાજબી ભાવે વસ્તુઓ ઉપલબ્ધ કરાવવાનો છે. સરકાર આ કાયદા હેઠળ કોઈપણ વસ્તુની સ્ટોક લિમિટ (Stock Limit) નક્કી કરી શકે છે.

સરકારના નવા આદેશો સરકારે આદેશ આપ્યો છે કે રિફાઇનરીઓ હવે ગેસનો ઉપયોગ ઔદ્યોગિક કામો માટે નહીં કરી શકે, પરંતુ તેને સીધો LPG બનાવવા માટે વાપરવો પડશે. તેલ માર્કેટિંગ કંપનીઓ (Oil Marketing Companies) ને પણ સૂચના આપી છે કે આ રીતે ઉત્પાદિત ગેસ માત્ર ઘરેલું ગ્રાહકો (Domestic Consumers) ને જ પૂરો પાડવામાં આવે. આ નવો આદેશ 5 March ના જૂના આદેશનું સ્થાન લેશે અને આગામી સૂચના સુધી અમલમાં રહેશે.