મિડિલ ઈસ્ટ સંકટ: ભારતની 180 ફ્લાઈટ્સ કેન્સલ, એર ઈન્ડિયાએ મુસાફરો માટે જારી કરી એડવાઈઝરી

US-Israel-Iran war | મિડલ ઈસ્ટ (Middle East) માં અમેરિકા (USA), ઈઝરાયેલ (Israel) અને ઈરાન (Iran) વચ્ચે ચાલી રહેલા યુદ્ધની સીધી અસર હવે હવાઈ મુસાફરી પર પડી રહી છે. સુરક્ષાના કારણોસર અત્યાર સુધીમાં ભારતની અંદાજે 180 ફ્લાઈટ્સ કેન્સલ (Flights Cancel) કરવામાં આવી છે. અહેવાલો મુજબ, ઈરાનમાં મૃત્યુઆંક 1,000 ને વટાવી ગયો છે, જ્યારે લેબનાન (Lebanon) અને ઈઝરાયેલમાં પણ ભારે જાનહાનિ થઈ છે.

એરપોર્ટ પર ફ્લાઈટ્સની સ્થિતિ પશ્ચિમ એશિયામાં એરસ્પેસ (Airspace) પ્રતિબંધોને કારણે 4 માર્ચના રોજ મુંબઈ (Mumbai), દિલ્હી (Delhi) અને બેંગલુરુ (Bengaluru) જેવા મોટા શહેરોમાંથી ફ્લાઈટ્સ રદ કરવી પડી હતી. મુંબઈ એરપોર્ટ પરથી કુલ 93, દિલ્હીથી 52 અને બેંગલુરુથી 34 ફ્લાઈટ્સ પ્રભાવિત થઈ હતી. ઈન્ડિગો (IndiGo) એ જણાવ્યું કે 28 ફેબ્રુઆરીથી 3 માર્ચ વચ્ચે તેમની 500 થી વધુ ઇન્ટરનેશનલ ફ્લાઈટ્સ કેન્સલ થઈ છે.

એર ઈન્ડિયા અને દૂતાવાસની એડવાઈઝરી એર ઈન્ડિયા (Air India) એ જાહેરાત કરી છે કે મિડિલ ઈસ્ટ માટેની મોટાભાગની ઉડ્ડયન સેવાઓ 5 માર્ચ 2026 ના રોજ રાત્રે 11:59 વાગ્યા (IST) સુધી સ્થગિત રહેશે. જોકે, જેદ્દાહ (Jeddah) માટેની કેટલીક ફ્લાઈટ્સ ફરી શરૂ કરવામાં આવશે. કતાર (Qatar) ની રાજધાની દોહા (Doha) માં ભારતીય દૂતાવાસે મુસાફરોને એરલાઈન્સના સંપર્કમાં રહેવા સૂચના આપી છે, કારણ કે હમાદ ઈન્ટરનેશનલ એરપોર્ટ (Hamad International Airport) પર કામગીરી કામચલાઉ ધોરણે બંધ છે.

ફસાયેલા ભારતીય મુસાફરોને પરત લાવવા માટે સ્પાઈસજેટ (SpiceJet) અને એર ઈન્ડિયા દ્વારા દુબઈ (Dubai) અને ફુજૈરાહથી વિશેષ ફ્લાઈટ્સ (Special Flights) ચલાવવામાં આવી રહી છે.