લાઈક્સ અને કમેન્ટ્સ ન મળવા પર બગડે છે Gen Z નો મૂડ, સ્ટડીમાં થયો ચોંકાવનારો ખુલાસો

Gen Z Social Media | આજના ડિજિટલ યુગમાં સોશિયલ મીડિયા (Social Media) માત્ર ફોટો કે વીડિયો શેર કરવાનું માધ્યમ નથી રહ્યું, પરંતુ તે ખાસ કરીને જેન ઝી (Gen Z) માટે ઓળખ અને આત્મવિશ્વાસનું સાધન બની ગયું છે.

રાજસ્થાનના કોટાની સરકારી ગર્લ્સ કોલેજના સમાજશાસ્ત્ર વિભાગના પ્રોફેસર ડો. જ્યોતિ સિડાનાના નેતૃત્વમાં કરવામાં આવેલી એક નવી સ્ટડી (Study) મુજબ, સોશિયલ મીડિયા પર મળતા લાઈક્સ (Likes), કમેન્ટ્સ (Comments) અને ફોલોઅર્સ (Followers) યુવાનોની માનસિક સેહત (Mental Health) પર ઊંડી અસર પાડી રહ્યા છે.

25 દિવસ સુધી ચાલેલી આ રિસર્ચ (Research) માં 141 વિદ્યાર્થીનીઓનો સમાવેશ કરવામાં આવ્યો હતો. જેમાં સામે આવ્યું કે 82.9% યુવતીઓએ સ્વીકાર્યું કે તેમની પોસ્ટ પર મળતો પ્રતિસાદ સીધો તેમના મૂડ (Mood) ને અસર કરે છે. અપેક્ષા મુજબ પ્રતિસાદ ન મળતા તેઓ પોતાની જાતને ઓછી મહત્વની સમજવા લાગે છે.

અભ્યાસનો સૌથી ચોંકાવનારો આંકડો એ છે કે 61% યુવતીઓએ જણાવ્યું કે સોશિયલ મીડિયા પર હજારો ફોલોઅર્સ હોવા છતાં તેઓ વાસ્તવિક જીવનમાં એકલતા (Loneliness) અનુભવે છે. આ સિવાય 61% સભ્યો નેગેટિવ કમેન્ટ્સ અને ટ્રોલિંગ (Trolling) ના કારણે માનસિક તણાવ (Stress) નો શિકાર બને છે.

આ ઉપરાંત 48.2% યુવતીઓ નોટિફિકેશન (Notification) આવતા જ તરત જ ફોન ચેક કરે છે, જ્યારે 70% યુવાનો સોશિયલ મીડિયાથી દૂર રહેવા (Digital Detox) માંગે છે પણ કરી શકતા નથી. નિષ્ણાતોના મતે, યુવાનોએ પોતાની ખુશીઓને લાઈક્સ કે કમેન્ટ્સ સાથે ન જોડવી જોઈએ અને પરિવાર તથા મિત્રો સાથે વાસ્તવિક સંબંધો મજબૂત કરવા જોઈએ.