ED II: MSME ને સશક્ત બનાવવા ઈ-કોમર્સ તાલીમ

ડિજિટલ અર્થતંત્રમાં MSME ને સશક્ત બનાવવા ઈ-કોમર્સ તાલીમ કાર્યક્રમ યોજાયો

ઉદ્યોગ સાહસ વિકાસ સંસ્થા (ED II) દ્વારા RAMP (Raising and Accelerating MSME Performance) યોજના અંતર્ગત, ગુજરાત સરકારના MSME કમિશનરેટના સહયોગથી તથા CGCCI ના સહકારમાં તા. 18 જુલાઈ, 2026ના રોજ વડોદરાના વાણિજ્ય ભવન ખાતે ઈ-કોમર્સ તાલીમ કાર્યક્રમ સફળતાપૂર્વક યોજાયો.

 

આ કાર્યક્રમમાં વિવિધ ક્ષેત્રોના 101 સૂક્ષ્મ અને લઘુ ઉદ્યોગસાહસિકોએ ભાગ લીધો. કાર્યક્રમ દરમિયાન RAMP યોજના, નવી MSME પોલિસી – વિકસિત ગુજરાત તેમજ ઈ-કોમર્સ, ડિજિટલ માર્કેટિંગ, Google Business Profile, ONDC, GeM, Udyam Registration અને Walmart Vriddhi અંગે વિસ્તૃત માર્ગદર્શન આપવામાં આવ્યું.

તમામ ઉપસ્થિત ઉદ્યોગસાહસિકોને RAMP યોજના હેઠળ જોડવામાં આવ્યા તેમજ સતત માર્ગદર્શન અને સહાય માટે WhatsApp ગ્રુપ બનાવવામાં આવ્યું. Walmart Vriddhi માસ્ટરક્લાસ દરમિયાન 6 નવા Flipkart Seller Onboarding અને 4 Cross Border Trade (CBT) Registration નોંધાયા.

કાર્યક્રમમાં શ્રી હેતલ પાઠક દ્વારા RAMP યોજના અને ટેકનિકલ સત્રોનું માર્ગદર્શન આપવામાં આવ્યું. શ્રીમતી શ્વેતા શર્મા દ્વારા ઉદ્યોગસાહસિકોને ડિજિટલ વ્યવસાયના અવસરો અને બજાર વિસ્તરણ અંગે પ્રેરણાદાયી માર્ગદર્શન આપવામાં આવ્યું. તેમજ શ્રીમતી સચિના ગુરુંગ દ્વારા કાર્યક્રમના સફળ સંકલનમાં મહત્વપૂર્ણ ભૂમિકા ભજવવામાં આવી.

 

EDII દ્વારા આગામી સમયમાં પણ MSME ઉદ્યોગસાહસિકોને ડિજિટલ સક્ષમતા, બજાર જોડાણ અને વ્યવસાય વિકાસ માટે સતત માર્ગદર્શન અને સહાય પૂરી પાડવામાં આવશે.