દુબઈમાં મિનીબસ અને ટ્રક વચ્ચેની ટક્કરમાં 6 ભારતીયો સહિત 7 શ્રમિકોના મોત, 9 ઘાયલ

Dubai Bus Accident | દુબઈના એમિરેટ્સ રોડ પર રવિવારે માર્ગ અકસ્માત (Road Accident) સર્જાયો હતો. એક કોન્ટ્રાક્ટ પૂરો કરીને શારજાહ પરત ફરી રહેલા 16 શ્રમિકો ભરેલી મિનીબસ (Minibus) રસ્તાની વચ્ચે બંધ પડેલી એક ટ્રક સાથે ધડાકાભેર અથડાઈ હતી. આ ભયાનક ટક્કરમાં 7  લોકોના મોત નીપજ્યા છે, જેમાં 6 ભારતીય અને એક  શ્રીલંકન નાગરિક સામેલ છે, જ્યારે અન્ય 9  શ્રમિકો ઈજાગ્રસ્ત થયા છે.

દુબઈ પોલીસ (Dubai Police) ની પ્રારંભિક તપાસ મુજબ, એક ટ્રક મિકેનિકલ ખામીના કારણે હાઈવેની વચ્ચે જ ઉભી રહી ગઈ હતી. પાછળથી આવી રહેલી મિનીબસના ડ્રાઈવરે સુરક્ષિત અંતર ન રાખતા બસ સીધી ટ્રકની પાછળના ભાગે ઘૂસી ગઈ હતી.

અકસ્માત સમયે મોટાભાગના શ્રમિકો ઊંઘમાં હોવાથી બસની એક તરફ જોરદાર ઈમ્પેક્ટ (Impact) થઈ હતી, જેના કારણે જાનહાનિ વધી ગઈ હતી. મૃતકોની ઓળખ સલીમ સૈયદ, તિરુપતિ ગોલ્લાપલ્લી, અબ્દુલ રફીક, અબ્દુલ રશીદ, માર્કંડે ચૌહાણ, મોહમ્મદ સાકિબ (તમામ ભારતથી) અને સેમ્યુઅલ રેંગાસામી (શ્રીલંકા) તરીકે થઈ છે. મૃતકોમાં સૌથી નાની ઉંમરના શ્રમિકની વય 23 (23) વર્ષ અને સૌથી મોટી ઉંમરના શ્રમિકની વય 51 (51) વર્ષ હતી.

કંપનીના પ્રતિનિધિના જણાવ્યા અનુસાર, મિનીબસના ભારતીય ડ્રાઈવરનો રેકોર્ડ છેલ્લા 9 વર્ષથી એકદમ ક્લીન (Clean) હતો અને તે સૌથી સુરક્ષિત ડ્રાઈવરોમાંનો એક હતો. તે આ અકસ્માતમાં બચી ગયો છે પરંતુ તેના મિત્રો અને રૂમમેટ્સ ગુમાવવાના આઘાતને કારણે તેની માનસિક સ્થિતિ સુધારવા કાઉન્સિલિંગની મદદ લેવાઈ રહી છે.

બીજી તરફ, દુબઈમાં સ્થિત ભારતીય દૂતાવાસે (Indian Consulate) આ ઘટના અંગે ઊંડા શોકની લાગણી વ્યક્ત કરી છે. દૂતાવાસના અધિકારીઓએ હોસ્પિટલની મુલાકાત લઈને ઘાયલોની સ્થિતિ જાણી હતી અને મૃતદેહોને વહેલી તકે ભારત પરત લાવવા (Repatriation) માટે સ્થાનિક સત્તાવાળાઓ સાથે સંકલન શરૂ કર્યું છે.

આ ઉપરાંત, બુર્જીલ હોલ્ડિંગ્સ (Burjeel Holdings) ના ચેરમેન ડો. શમશીર વયાલીલે પીડિત પરિવારો માટે આર્થિક સહાય પેકેજની જાહેરાત કરી છે. હાલમાં 9 (9) ઘાયલોમાંથી 5 (5) ને રજા આપી દેવાઈ છે, જ્યારે 4 (4) હજુ હોસ્પિટલમાં સારવાર હેઠળ છે.