મમતા બેનર્જીને વધુ એક મોટો ઝટકો, ચંદ્રિમા ભટ્ટાચાર્યે બંગાળ TMC ચીફ સહિત તમામ પદો પરથી આપ્યું રાજીનામું

Chandrima Bhattacharya resigns TMC | પશ્ચિમ બંગાળ (West Bengal) વિધાનસભા ચૂંટણીમાં મળેલી હાર બાદ પહેલેથી જ રાજકીય સંકટનો સામનો કરી રહેલી તૃણમૂલ કોંગ્રેસ (TMC) ને વધુ એક મોટો આંચકો લાગ્યો છે.

પૂર્વ મુખ્યમંત્રી મમતા બેનર્જી (Mamata Banerjee) ના અત્યંત નજીકના અને ટીએમસીના ‘રાઇટ હેન્ડ’ (Right Hand) ગણાતા વરિષ્ઠ નેતા ચંદ્રિમા ભટ્ટાચાર્યે (Chandrima Bhattacharya) પાર્ટીના તમામ સંગઠનાત્મક પદો પરથી રાજીનામું આપી દીધું છે.

ટીએમસીની અંદર ચાલી રહેલી ભારે ખેંચતાણ અને આંતરિક વિખવાદ વચ્ચે મમતા બેનર્જીના સૌથી વિશ્વસનીય સહયોગીઓમાં સ્થાન ધરાવતા ચંદ્રિમા ભટ્ટાચાર્યનું આ રીતે અચાનક પદ છોડવું તે પાર્ટી માટે ખૂબ જ મોટો રાજકીય ફટકો માનવામાં આવી રહ્યો છે.

મળતી માહિતી મુજબ, ટીએમસીના પ્રદેશ અધ્યક્ષ (TMC State Chief) ચંદ્રિમા ભટ્ટાચાર્યે પાર્ટી સુપ્રિમો મમતા બેનર્જીને એક સત્તાવાર પત્ર લખીને પોતાના આ નિર્ણયની જાણકારી આપી છે.

આ પત્રમાં ભટ્ટાચાર્યે સ્પષ્ટ કર્યું છે કે તેઓ માત્ર સંગઠનાત્મક પદો (Organizational Posts) માંથી જ મુક્ત થઈ રહ્યા નથી, પરંતુ તેમણે પાર્ટીના મહત્વપૂર્ણ નાણાકીય અને વહીવટી નિર્ણયો સાથે જોડાયેલા ‘સાઇનિંગ ઓથોરિટી’ (Signing Authority) ના પદ પરથી પણ તાત્કાલિક અસરથી પોતાના પગ પાછા ખેંચી લીધા છે.

ચંદ્રિમા ભટ્ટાચાર્ય લાંબા સમયથી તૃણમૂલ કોંગ્રેસનો એક મજબૂત અને પ્રભાવશાળી ચહેરો રહ્યા છે. બંગાળ સરકારથી લઈને પક્ષના સંગઠન સુધી તમામ સ્તરે તેમની પક્કડ ખૂબ જ મજબૂત માનવામાં આવતી હતી.

હાલમાં આ સંવેદનશીલ મામલા પર તૃણમૂલ કોંગ્રેસ અથવા મમતા બેનર્જી તરફથી કોઈ સત્તાવાર પ્રતિક્રિયા સામે આવી નથી, પરંતુ આ અણધાર્યા ઘટનાક્રમે પશ્ચિમ બંગાળના રાજકીય તાપમાનમાં અચાનક ભારે વધારો કરી દીધો છે. આ રાજીનામા બાદ હવે બંગાળના રાજકારણમાં આગામી દિવસોમાં મોટા ફેરફારો થવાના એંધાણ વર્તાઈ રહ્યા છે.