Jethalal Shahrukh Khan | ટીવી (TV) ઇતિહાસના સૌથી પ્રખ્યાત શો ‘તારક મહેતા કા ઉલ્ટા ચશ્મા’ માં ‘જેઠાલાલ’ નું પાત્ર ભજવીને ઘર-ઘરમાં જાણીતા થયેલા અભિનેતા દિલીપ જોશી આજે કોઈ ઓળખના મોહતાજ નથી. પરંતુ નાના પડદા પર આવતા પહેલાં તેમણે બોલિવૂડની ઘણી મોટી ફિલ્મોમાં પણ કામ કર્યું હતું, જેમાં તેમણે શાહરૂખ ખાન સાથે સ્ક્રીન શેર કરી હતી.
હાલમાં સોશિયલ મીડિયા (Social media) પર બંનેનો એક ૨૫ વર્ષ જૂનો વીડિયો વાયરલ થઈ રહ્યો છે, જેમાં શાહરૂખ ખાને અજાણતામાં દિલીપ જોશી માટે કંઈક એવું કહ્યું હતું જે આગળ જતાં તેમના કરિયરમાં સાચું સાબિત થયું.
આ વાયરલ વીડિયો વર્ષ 2001માં રિલીઝ થયેલી ફિલ્મ ‘વન ટુ કા ફોર’ (One 2 Ka 4) નો છે. એક સીનમાં શાહરૂખ ખાન સીડીઓ પરથી નીચે ઉતરે છે ત્યારે નીચે સૂતેલા દિલીપ જોશી સાથે અથડાઈને પડી જાય છે અને ગુસ્સામાં કહે છે, ‘ચંપકની ઔલાદ, કેટલી વાર કહ્યું છે કે સીડીઓની સામે પથારી ન કર.’
View this post on Instagram
આ ડાયલોગ બરાબર 7 વર્ષ પછી એટલે કે વર્ષ 2008માં સાચો સાબિત થયો જ્યારે ‘તારક મહેતા કા ઉલ્ટા ચશ્મા’ શો શરૂ થયો. આ શોમાં દિલીપ જોશીને ‘જેઠાલાલ’ નું પાત્ર મળ્યું, જેમના પિતાનું નામ ‘ચંપકલાલ ગઢા’ (બાપુજી) છે. આમ, શાહરૂખે ફિલ્મમાં જેમને ‘ચંપકની ઔલાદ’ કહ્યા હતા, તે ટીવી પર સાચે જ ચંપકલાલના પુત્ર જેઠાલાલ બન્યા.
દિલીપ જોશી છેલ્લા 18 વર્ષથી આ શો દ્વારા દર્શકોનું મનોરંજન કરી રહ્યા છે. આજે લોકો તેમને અસલી નામ કરતાં ‘જેઠાલાલ’ ના નામથી વધુ ઓળખે છે. ‘તારક મહેતા કા ઉલ્ટા ચશ્મા’ (TMKOC) ના નામે ટેલિવિઝન ઇન્ડસ્ટ્રીના ઘણા ઐતિહાસિક રેકોર્ડ નોંધાયેલા છે.
સૌથી લાંબા સમય સુધી ચાલતા ડેઇલી સિટકોમ (Daily Sitcom) તરીકે આ શોનું નામ ‘ગિનીસ બુક ઓફ વર્લ્ડ રેકોર્ડ્સ’ અને ‘લિમકા બુક ઓફ રેકોર્ડ્સ’ માં નોંધાઈ ચૂક્યું છે. આ સીરિયલ 4500થી વધુ એપિસોડ્સ પૂર્ણ કરવાનો એક ઐતિહાસિક આંકડો પણ પાર કરી ચૂકી છે.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.