Dhurandhar Box Office Collection | રણવીર સિંહ (Ranveer Singh) સ્ટારર ફિલ્મ ‘ધુરંધર’ બોક્સ ઓફિસ પર અટકવાનું નામ નથી લઈ રહી. આ ફિલ્મે વિશ્વભરમાં ₹1303 કરોડની કમાણી કરીને ઈતિહાસ રચ્યો છે, પરંતુ એક મામલે આ ફિલ્મ હજુ પણ બોલીવુડની ક્લાસિક ફિલ્મ ‘શોલે’ (Sholay) થી પાછળ છે.
4 કરોડથી વધુ ટિકિટો વેચાઈ (40 Million Footfalls)
તાજેતરના રિપોર્ટ્સ મુજબ, ‘ધુરંધર’ ફિલ્મે ભારતમાં 4 કરોડ (40 Million) થી વધુ ફૂટફોલ (Footfalls) એટલે કે ટિકિટ વેચાણનો આંકડો પાર કરી લીધો છે. છેલ્લા 24 વર્ષમાં આ સિદ્ધિ મેળવનાર તે પ્રથમ બોલીવુડ ફિલ્મ બની છે. આ પહેલા વર્ષ 2001માં આવેલી સની દેઓલની ફિલ્મ ‘ગદર’ (Gadar) એ 5 કરોડથી વધુ ફૂટફોલ નોંધાવ્યા હતા.
મોટી ફિલ્મોને પછાડી પણ ‘શોલે’ હજુ આગળ
‘ધુરંધર’ ફિલ્મે આમિર ખાનની ‘દંગલ’ (3.7 કરોડ) અને ‘પીકે’ (3.5 કરોડ) જેવી બ્લોકબસ્ટર ફિલ્મોના રેકોર્ડ તોડી નાખ્યા છે. જોકે, ભારતીય સિનેમાના ઈતિહાસમાં સૌથી વધુ ટિકિટ વેચવાના મામલે ‘શોલે’, ‘બાહુબલી 2’ (Baahubali 2), ‘મુગલ-એ-આઝમ’ અને ‘મધર ઈન્ડિયા’ હજુ પણ ટોચ પર છે, જેમના નામે 10 કરોડથી વધુ ટિકિટ વેચવાનો રેકોર્ડ છે.
ધુરંધર-2 ની રિલીઝ ડેટ (Dhurandhar 2 Release Date)
આદિત્ય ધરના નિર્દેશનમાં બનેલી આ સ્પાય થ્રિલર (Spy Thriller) ફિલ્મમાં અક્ષય ખન્ના, આર. માધવન અને સંજય દત્ત પણ મુખ્ય ભૂમિકામાં છે. આ ફિલ્મની ભવ્ય સફળતા બાદ મેકર્સ હવે તેનો સીક્વલ ‘ધુરંધર: ધ રિવિંજ’ (Dhurandhar: The Revenge) લાવવા જઈ રહ્યા છે, જે 19 માર્ચ ના રોજ રિલીઝ થશે.