ચીનનો બેવડો ચહેરો: શાંતિની વાતો વચ્ચે ઈરાનને ગુપ્ત રીતે ઘાતક મિસાઈલો આપવાની તૈયારી

વિશ્વ મંચ પર શાંતિદૂત બનવાનો ડોળ કરતા ચીન (China) નો અસલી ચહેરો અમેરિકી ગુપ્તચર અહેવાલોએ ખુલ્લો પાડ્યો છે. અમેરિકી ઈન્ટેલિજન્સ રિપોર્ટ (US Intelligence Report) અનુસાર, ચીન આગામી થોડા અઠવાડિયામાં ઈરાન (Iran) ને ખભા પર રાખીને ફાયર કરી શકાય તેવી અત્યાધુનિક એન્ટી-એરક્રાફ્ટ મિસાઈલ સિસ્ટમ (MANPADS) મોકલવાની તૈયારી કરી રહ્યું છે.

ત્રીજા દેશો દ્વારા હથિયારોની હેરાફેરી રિપોર્ટમાં દાવો કરાયો છે કે ચીન પકડાઈ જવાના ડરથી આ હથિયારો સીધા મોકલવાને બદલે અન્ય દેશોના માર્ગે મોકલી રહ્યું છે. આ સિસ્ટમ ઓછી ઊંચાઈએ ઉડતા અમેરિકી હેલિકોપ્ટર (Helicopter) અને લડાકુ વિમાનો માટે જોખમી છે. તાજેતરમાં તોડી પડાયેલા અમેરિકી F-15 જેટ (F-15 Jet) માં આવી જ હીટ-સીકિંગ મિસાઈલ (Heat-seeking missile) નો ઉપયોગ થયો હોવાની આશંકા છે.

ટ્રમ્પની ચીન મુલાકાત પર સંકટ આ અહેવાલો એવા સમયે આવ્યા છે જ્યારે આવતા મહિને રાષ્ટ્રપતિ ડોનાલ્ડ ટ્રમ્પ (Donald Trump) અને શી જિનપિંગ (Xi Jinping) વચ્ચે બેઇજિંગમાં બેઠક યોજાવાની છે. ચીન એક તરફ યુદ્ધવિરામ (Ceasefire) નો શ્રેય લઈ રહ્યું છે અને બીજી તરફ ઈરાનની સૈન્ય શક્તિ વધારી રહ્યું છે. જો અમેરિકા (America) ને સજ્જડ પુરાવા મળશે તો ચીન પર આકરા આર્થિક પ્રતિબંધો (Economic Sanctions) લાદવામાં આવી શકે છે.