ચીન ખાતેથી ભારતની ફર્ટિલાઈઝરની આયાતમાં 170 ટકાનો જંગી વધારો: રશિયા પ્રથમ ક્રમે યથાવત

Fertilizer Import Rise | નાણાં વર્ષ 2026 માં ચીન (China) ખાતેથી ભારતની ફર્ટિલાઈઝર (Fertilizer) ની આયાત વાર્ષિક ધોરણે 170% થી વધુ વધીને 50.20 લાખ ટન રહી હતી.

જોકે, ભારતને ખાતરના નિકાસકાર તરીકે રશિયા (Russia) એ પ્રથમ ક્રમ જાળવી રાખ્યો હતો. રશિયા ખાતેથી આયાત 35% વધીને 67.10 લાખ ટન નોંધાઈ હતી.

વાણિજ્ય મંત્રાલયના ડેટા (Data) અનુસાર, સાઉદી અરેબિયા ખાતેથી 34.30 લાખ ટન અને મોરોક્કો ખાતેથી આયાત 98.70% વધીને 27.90 લાખ ટન થઈ હતી.

બીજી બાજુ, ગત નાણાં વર્ષમાં સાઉદી અરેબિયા અને ઈરાન (Iran) ભારતના બાસમતિ ચોખા (Basmati Rice) ના બે મોટા ખરીદદાર દેશો રહ્યા હતા.

સાઉદી અરેબિયામાં 10.50 લાખ ટન અને ઈરાનમાં 10 લાખ ટન બાસમતિની નિકાસ (Export) થઈ હતી. જોકે, પશ્ચિમ એશિયાની વર્તમાન તંગદિલીને કારણે જહાજોની અવરજવર પર માઠી અસર પડી છે, જેના લીધે અખાતી દેશોમાં બાસમતિની નિકાસ ખોરવાઈ જવાની આશંકા સેવાઈ રહી છે.