‘ધ ઈન્ડિયન કાઉબોય’ બોબી કેશના જીવન પર બનશે ઓસ્ટ્રેલિયા-ઈન્ડિયા ફીચર ફિલ્મ

Bobby Cash Movie | નવી દિલ્હીમાં ઓસ્ટ્રેલિયન હાઈકમિશનર (Australian High Commission) દ્વારા યોજાયેલા એક ખાસ કાર્યક્રમમાં ભારત અને ઓસ્ટ્રેલિયા (Australia) વચ્ચેના સાંસ્કૃતિક સંબંધોને મજબૂત કરતી એક નવી ફીચર ફિલ્મની જાહેરાત કરવામાં આવી છે.

આ ફિલ્મ પ્રખ્યાત કન્ટ્રી સિંગર બોબી કેશ (Bobby Cash)ના જીવન પર આધારિત હશે. દહેરાદૂનથી ઓસ્ટ્રેલિયાના ટેમવર્થ (Tamworth) સુધીની તેમની સંગાીતમય સફરને કારણે તેઓ ‘ધ ઈન્ડિયન કાઉબોય’ (The Indian Cowboy) તરીકે પ્રખ્યાત થયા હતા.

આ ફિલ્મનું નિર્દેશન સિડનીના જાણીતા ફિલ્મમેકર અનુપમ શર્મા (Anupam Sharma) કરશે. આ સાથે ઓસ્ટ્રેલિયન લેખક-નિર્દેશક વિક્ટોરિયા વુર્ફ મેકઈન્ટાયર (Victoria Wharfe McIntyre) સ્ક્રિપ્ટ લખશે અને ભારતીય નિર્માતા સતીશ શર્મા (Satish Sharma) આ પ્રોજેક્ટના કો-પ્રોડ્યુસર (Co-producer) રહેશે.

ન્યુ સાઉથ વેલ્સ (New South Wales) ના પ્રીમિયર ક્રિસ મિન્સ (Chris Minns) એ આ પ્રોજેક્ટની જાહેરાત કરતા જણાવ્યું હતું કે બોબી કેશની વાર્તા ભારત અને ઓસ્ટ્રેલિયા વચ્ચેના ખાસ જોડાણનું શ્રેષ્ઠ ઉદાહરણ છે. એક કલાકાર હિમાલયની પહાડીઓમાંથી નીકળીને ઓસ્ટ્રેલિયન મ્યુઝિક ઈન્ડસ્ટ્રીમાં પોતાની ઓળખ બનાવે છે તે ખૂબ પ્રેરણાદાયી છે.

પોતાના જીવન પર બની રહેલી ફિલ્મ અંગે ખુશી વ્યક્ત કરતા બોબી કેશે કહ્યું, “દહેરાદૂનથી ગિટાર લઈને નીકળેલા કલાકારને ઓસ્ટ્રેલિયાએ સ્ટેજ આપ્યું અને ટેમવર્થે એક નવું નામ આપ્યું. મ્યુઝિક ને કોઈ સીમાઓ નથી હોતી.”

આ ફિલ્મ માત્ર એક બાયોપિક નથી, પરંતુ તેમાં સંગીત, સ્થળાંતર (Migration) અને સાંસ્કૃતિક ઓળખ જેવા મહત્વના વિષયોને આવરી લેવામાં આવશે. ઓસ્ટ્રેલિયા અને ભારતની ટેલેન્ટને એક મંચ પર લાવતી આ ફિલ્મ બે દેશો વચ્ચેના સિનેમેટિક સંબંધોને એક નવી ઊંચાઈ પર લઈ જશે.