BJP Audit Report 2024-25 | ભારતીય જનતા પાર્ટી (BJP) એ ચૂંટણી પંચ (Election Commission) સમક્ષ વર્ષ 2024-25નો વાર્ષિક ઓડિટ રિપોર્ટ (Annual Audit Report) રજૂ કર્યો છે. આ રિપોર્ટ મુજબ, સતત ત્રણ ટર્મથી સત્તામાં રહેલા ભાજપ પાસે હાલમાં આશરે રૂ. 10,000 કરોડના મૂલ્યની રોકડ (Cash) અને બેંક ડિપોઝીટ્સ (Bank Deposits) છે.
ચૂંટણી ખર્ચમાં થયો બમણો વધારો
વર્ષ 2024-25 દરમિયાન યોજાયેલી લોકસભા ચૂંટણી (Lok Sabha Election), 8 રાજ્યોની વિધાનસભા ચૂંટણી અને પેટા ચૂંટણીઓમાં ભાજપે કુલ રૂ. 3,335.36 કરોડ નો ખર્ચ કર્યો છે. નોંધપાત્ર છે કે, અગાઉના વર્ષમાં આ ખર્ચ રૂ. 1,754.06 કરોડ હતો, એટલે કે પક્ષના ચૂંટણી ખર્ચમાં સીધો બમણો વધારો જોવા મળ્યો છે.
ભાજપની આર્થિક તાકાતના મુખ્ય આંકડા
ઓડિટ રિપોર્ટ અનુસાર, 31 માર્ચ, 2025 સુધીમાં પક્ષનું જનરલ ફંડ (General Fund) વધીને રૂ. 12,164 કરોડ થયું છે.
-
કુલ દાન (Voluntary Donations): વર્ષ 2024-25માં ભાજપને રૂ. 6,125 કરોડનું દાન મળ્યું છે.
-
વ્યાજની આવક (Interest Income): બેંકમાં ફિક્સ ડિપોઝિટ (Fixed Deposits) પર પક્ષને રૂ. 634 કરોડનું વ્યાજ મળ્યું છે.
-
રોકડ અને ડિપોઝિટ: પક્ષ પાસે રૂ. 9,996 કરોડની રોકડ અને બેંક બેલેન્સ ઉપલબ્ધ છે.
ક્યાં કેટલો ખર્ચ થયો? (Expenditure Breakdown)
પક્ષના કુલ ખર્ચના 88.36% હિસ્સો માત્ર ચૂંટણી પ્રચાર પાછળ ખર્ચવામાં આવ્યો છે.
| ખર્ચની વિગત | અંદાજિત રકમ (રૂપિયામાં) |
| એરક્રાફ્ટ અને હેલિકોપ્ટર પ્રવાસ | રૂ. 583 કરોડ |
| ઈલેક્ટ્રોનિક મીડિયા જાહેરાત | રૂ. 1,125 કરોડ |
| ઉમેદવારોને નાણાકીય સહાય | રૂ. 312.9 કરોડ |
| હોર્ડિંગ્સ, બેનર્સ અને પ્રિન્ટ મટીરીયલ | રૂ. 230 કરોડ |
| રેલીઓ અને કેમ્પેઈન્સ (Campaigns) | રૂ. 90.93 કરોડ |
ભાજપે આ સમયગાળા દરમિયાન જાહેરાતો (Advertisements) પાછળ રૂ. 897 કરોડ અને વિવિધ બેઠકો પાછળ રૂ. 51.72 કરોડનો ખર્ચ કર્યો હોવાનું રિપોર્ટમાં જણાવાયું છે. પક્ષને રૂ. 65.92 કરોડનું ઇન્કમ ટેક્સ રિફંડ (Income Tax Refund) પણ પ્રાપ્ત થયું છે.