ભાવનગર-ધોલેરા રોડ પર કન્ટેનર પાછળ કાર ઘૂસી જતાં અકસ્માત, 3 લોકોના મોત

Bhavnagar Road Accident | ભાવનગર-ધોલેરા હાઇવે પર (Highway) મોડી રાત્રે એક હૃદયધબકારા રોકી દેતી મોટી દુર્ઘટના સામે આવી છે. ભડભીડ ટોલનાકા નજીક પૂરપાટ ઝડપે જતી એક બેફામ કાર (Car) આગળ ચાલી રહેલા કન્ટેનરની (Container) પાછળ ધડાકાભેર ઘૂસી ગઈ હતી.

આ અકસ્માત (Accident) એટલો પ્રચંડ હતો કે કારનો કચ્ચરઘાણ વળી ગયો હતો. આ અકસ્માતમાં કારમાં સવાર 3 લોકોના ઘટનાસ્થળે જ કમકમાટીભર્યા કરુણ મોત નીપજ્યા હતા. ધડાકાનો અવાજ સાંભળીને આસપાસના સ્થાનિક લોકો તાત્કાલિક ઘટનાસ્થળે દોડી આવ્યા હતા.

અકસ્માતની જાણ થતાં જ સ્થાનિક પોલીસ (Police) અને હાઇવે ઑથોરિટીની ટીમ પણ ઘટનાસ્થળે પહોંચી ગઈ હતી. કારની સ્થિતિ એટલી હદે બિસ્માર થઈ ગઈ હતી કે અંદર ફસાયેલા મૃતકોના શબને ભારે જહેમત બાદ બહાર કાઢવામાં આવ્યા હતા.

ત્યારબાદ ત્રણેય મૃતદેહોને પોસ્ટમોર્ટમ (Postmortem) અર્થે ભાવનગરની સર ટી હોસ્પિટલમાં (Hospital) ખસેડાયા હતા. પોલીસ તપાસમાં મૃતકોની ઓળખ વીરેન્દ્ર સિંહ સરવૈયા, બળભદ્રસિંહ ચુડાસમા અને ઈમ્તિયાઝ મલેક તરીકે થઈ છે.

એકસાથે 3 આશાસ્પદ યુવાનોના મોતના સમાચાર મળતા જ પરિવારજનો હોસ્પિટલ ખાતે દોડી આવ્યા હતા. હોસ્પિટલ પરિસરમાં સ્વજનોના હૈયાફાટ રૂદનથી વાતાવરણ અત્યંત ગમગીન બની ગયું હતું. હાલમાં પોલીસે આ મામલે અકસ્માતનો ગુનો નોંધીને કન્ટેનર ચાલક સામે આગળની કાનૂની કાર્યવાહી હાથ ધરી છે.