અમેરિકાના કેપિટલ હિલ પર એટલાન્ટાના ભારતીય મૂળના ડૉ. અન્નપૂર્ણા ભટ્ટનું વિશેષ બહુમાન કરાયું

Annapurna Bhat Honored | અમેરિકા (America) માં એશિયન અમેરિકન એન્ડ પેસિફિક આઇલેન્ડર (Asian American and Pacific Islander – AAPI) હેરિટેજ મંથ (Heritage Month) ની ઉજવણીના ભાગરૂપે ગ્લોબલ આઇ મેગેઝિન (Global Eye Magazine) દ્વારા દેશભરમાંથી 20 પ્રતિષ્ઠિત એશિયન અમેરિકનોનું સન્માન કરવામાં આવ્યું છે.

19 મે 2026 ના રોજ યુનાઇટેડ સ્ટેટ્સ કેપિટલ (United States Capitol) ખાતે યોજાયેલા એક ભવ્ય સમારોહમાં જ્યોર્જિયા (Georgia) ના સ્ટોકબ્રિજ (Stockbridge) માં આવેલી ‘ભટ્ટ એન્ડ ભટ્ટ મેડિકલ સેન્ટર’ (Bhat and Bhat Medical Center) ના સીઈઓ (CEO) અને મેનેજિંગ પાર્ટનર (Managing partner) ડૉ. અન્નપૂર્ણા ભટ્ટ (Dr. Annapurna Bhat)નું વિશેષ બહુમાન કરવામાં આવ્યું હતું.

આ કાર્યક્રમ દરમિયાન ગ્લોબલ આઇ મેગેઝિનના ચેરમેન (Chairman) વિજય પ્રભાકરે આ પ્રશંસનીય પહેલનો શ્રેય કોંગ્રેસમેન જોનાથન એલ. જેક્સન (Congressman Jonathan L. Jackson) ને આપ્યો હતો, જેમણે વર્ષ 2023 માં આ સન્માન સમારોહની કલ્પના કરી હતી.

આ વિશેષ પ્રસંગને યાદગાર બનાવવા માટે કોંગ્રેસમેન જેક્સને 119 મી કોંગ્રેસ (119th Congress) ના કોંગ્રેશનલ રેકોર્ડ (Congressional Record) માં ડૉ. ભટ્ટ માટે એક સત્તાવાર પ્રશસ્તિપત્ર રજૂ કર્યું હતું, જેમાં તેમને “એક અસાધારણ તબીબ, પરોપકારી, સમુદાયના નેતા અને માનવતાના સેવક” તરીકે બિરદાવવામાં આવ્યા હતા.

એક પ્રતિષ્ઠિત ર્યુમેટોલોજિસ્ટ (Rheumatologist) તરીકે ડૉ. અન્નપૂર્ણા ભટ્ટ લાંબા સમયથી ઇમોરી યુનિવર્સિટી (Emory University), હેનરી હોસ્પિટલ (Henry Hospital) અને સધર્ન રિજનલ હોસ્પિટલ (Southern Regional Hospital) જેવી પ્રખ્યાત આરોગ્ય સંસ્થાઓ સાથે જોડાયેલા છે.

તેમની તબીબી સફરની શરૂઆત ભારત (India) ની મણિપાલમાં આવેલી કસ્તુરબા મેડિકલ કોલેજ (Kasturba Medical College) થી થઈ હતી. ત્યારબાદ તેમણે ન્યૂયોર્ક (New York) ની વૂડહલ મેડિકલ સેન્ટર (Woodhull Medical Center) માં રેસિડેન્સી (Residency) અને એટલાન્ટાની ઇમોરી યુનિવર્સિટીમાં ર્યુમેટોલોજીમાં ફેલોશિપ (Fellowship) પૂર્ણ કરી હતી.

કોંગ્રેશનલ ટ્રિબ્યુટ (Congressional tribute) માં તેમની તબીબી સિદ્ધિઓ ઉપરાંત તેમના વ્યાપક સામાજિક નેતૃત્વ પર પણ પ્રકાશ પાડવામાં આવ્યો હતો.

ડૉ. ભટ્ટ હાલમાં વર્ષ 2026-2027 માટે નાવિકા (NAVIKA) ના પ્રમુખ તરીકે, જ્યોર્જિયા કર્ણાટક ડૉક્ટર્સ એસોસિએશન (Georgia Karnataka Doctors Association) ના સ્થાપક પ્રમુખ તરીકે, ભટ્ટ ફાઉન્ડેશન (Bhat Foundation) ના પ્રમુખ તરીકે અને અમેરિકન એસોસિએશન ઓફ ફિઝિશિયન્સ ઓફ ઇન્ડિયન ઓરિજિન એલ્યુમની (American Association of Physicians of Indian Origin Alumni) ના ચેરપર્સન તરીકે સેવા આપી રહ્યા છે.

કોંગ્રેસમેન જેક્સને આપત્તિ રાહત કાર્યો અને જ્યોર્જિયા તેમજ ભારતમાં સ્કોલરશિપ (Scholarship) પહેલ સહિતના માનવતાવાદી કાર્યો પ્રત્યે ડૉ. ભટ્ટની પ્રતિબદ્ધતા પર ભાર મૂક્યો હતો. રોટરી ક્લબ ઓફ એટલાન્ટા સધર્ન ક્રેસન્ટ (Rotary Club of Atlanta Southern Crescent) માં તેમના કાર્ય દ્વારા તેઓ મેજર ડોનર (Major Donor) તરીકે ઓળખાય છે.

આ સમારોહમાં ડેની ડેવિસ (Danny Davis), સુહાસ સુબ્રમણ્યમ (Suhas Subramanyam) અને શ્રી થાણેદાર (Shri Thanedar) સહિતના ચૂંટાયેલા પ્રતિનિધિઓ પણ હાજર રહ્યા હતા. તેમણે તબીબી, વ્યવસાય, શિક્ષણ અને જાહેર સેવામાં એશિયન અમેરિકનોના વધતા યોગદાન વિશે વાત કરી હતી.

કાર્યક્રમની શરૂઆત રોબર્ટ સાતુરીની પ્રાર્થનાથી થઈ હતી, જ્યારે કથિરવેલ કુમારરાજાએ આભારવિધિ કરી હતી. 18 વર્ષની રેની ઇન્દ્રુપાટીએ (Renee Indrupati) પણ યુવા આહવાન રજૂ કરીને દક્ષિણ એશિયાઈ વિદ્યાર્થીઓના પ્રતિનિધિત્વ અંગે પોતાના વિચારો શેર કર્યા હતા.