યુટ્યૂબરના લગ્નમાં નોટોના બંડલ અને સોનાનો વરસાદ: વીડિયો વાઇરલ થતા યુઝર્સે કહ્યું, ‘આ તો દહેજ છે’

Arun Panwar Wedding Video | હરિયાણાના ગુરુગ્રામ (Gurugram) ના પ્રખ્યાત ઓટોમોબાઈલ યુટ્યૂબર અરુણ પંવાર (Arun Panwar) હાલમાં તેમના લગ્નને લઈને સોશિયલ મીડિયા પર ખૂબ ચર્ચામાં છે. 3 ફેબ્રુઆરીના રોજ યોજાયેલા આ લગ્ન પહેલાંની એક વિધિનો વીડિયો ઇન્સ્ટાગ્રામ (Instagram) પર વાઇરલ (Viral) થયો છે, જેમાં તેમને અઢળક રોકડ અને સોનાના દાગીના ગિફ્ટ (Gift) તરીકે મળ્યા છે.

71 લાખ રોકડા અને 21 તોલા સોનાની ભેટ
વીડિયોમાં જોઈ શકાય છે કે અરુણ પંવારના લગ્ન પહેલાંના ચાંદલામાં (લગ્નની વિધિ) તેને 71 લાખ રૂપિયા રોકડા આપવામાં આવ્યા હતા. એટલું જ નહીં, પરિવારના સભ્યો માટે 21 તોલા સોનાના દાગીના પણ ભેટમાં અપાયા હતા. આ વીડિયોમાં એક વ્યક્તિ જાહેરાત કરી રહી છે કે વરરાજાને 5.5 તોલાની ચેઈન, 4 તોલાનું બ્રેસલેટ અને પરિવારના અન્ય સભ્યોને પણ સોનાની વીંટીઓ અને ઝૂમકા આપવામાં આવ્યા છે.

સોશિયલ મીડિયા પર ‘દહેજ’ (Dowry) અંગે વિવાદ
આ વીડિયો વાઇરલ થતાં જ સોશિયલ મીડિયા (Social Media) યુઝર્સે પ્રતિક્રિયાઓ આપવાનું શરૂ કર્યું છે. ઘણા યુઝર્સે આને ‘દાન’ નહીં પણ ‘દહેજ’ (Dowry) ગણાવ્યું છે. એક યુઝરે લખ્યું, “જ્યારે સેલિબ્રિટી ઇન્ફ્લુએન્સર (Influencer) આવું કરે છે, ત્યારે સમાજ પર તેની નકારાત્મક અસર પડે છે.” બીજા એક યુઝરે કમેન્ટ કરી કે, “આ ગિફ્ટ નથી પણ સિસ્ટમની મજાક છે.”

 

View this post on Instagram

 

A post shared by Arun Panwar (@arunpanwarx)

કોણ છે અરુણ પંવારની પત્ની ડૉ. તિથિ?
અરુણ પંવાર ડૉ. તિથિ (Dr. Tithi) સાથે લગ્નના બંધનમાં બંધાયા છે. ડૉ. તિથિ પલવલની રહેવાસી છે અને હાલમાં જયપુરથી એમડી (MD) નો અભ્યાસ કરી રહી છે. તેમના પિતા ગોપાલ સિંહ સોની એક મોટી કંપનીમાં ઉચ્ચ પદ પર કાર્યરત છે.

ઓટોમોબાઈલ કિંગ તરીકે જાણીતા છે અરુણ પંવાર
અરુણ પંવાર યુટ્યૂબ (YouTube) પર ઓટોમોબાઈલ કન્ટેન્ટ (Automobile Content) બનાવે છે. 2019માં પોતાની કારકિર્દી શરૂ કરનાર અરુણ પાસે કિયા સેલ્ટોસ, ફોર્ડ એન્ડેવર અને ફોર્ચ્યુનર જેવી લક્ઝરી ગાડીઓનું કલેક્શન છે. સરળ ભાષામાં કાર રિવ્યૂ (Car Review) કરવાને કારણે તેમના લાખો ફોલોઅર્સ છે.