ટેનિસ સ્ટાર અરાંત્સા સાંચેઝ વિકારિયોને પૂર્વ પતિએ છેતરી, 400 કરોડ ગુમાવ્યા

Arantxa Sanchez Vicario | સ્પેનની પ્રખ્યાત ટેનિસ (Tennis) ખેલાડી અરાંત્સા સાંચેઝ વિકારિયો (Arantxa Sanchez Vicario) પોતાની વ્યક્તિગત જિંદગીમાં મોટા આઘાતનો સામનો કરી રહી છે. 4 વખતની ગ્રાન્ડ સ્લેમ ચેમ્પિયન અને ભૂતપૂર્વ World No.1 ટેનિસ પ્લેયરે પોતાના પૂર્વ પતિ Josep Santacana પર કરોડો રૂપિયાની સંપત્તિ ગાયબ કરવાનો ગંભીર આરોપ લગાવ્યો છે.

એક સ્પેનિશ TV શોમાં વાતચીત દરમિયાન 54 વર્ષીય અરાંત્સા સાંચેઝ વિકારિયો (Arantxa Sanchez Vicario) એ ખુલાસો કર્યો કે તેમણે પોતાના પૂર્વ પતિ પર અંધ વિશ્વાસ કર્યો હતો.

ટેનિસ કારકિર્દી દરમિયાન તેમનું સંપૂર્ણ ધ્યાન રમત પર જ રહ્યું, તેથી તેમણે નાણાકીય બાબતો અને Bank એકાઉન્ટ્સની તમામ જવાબદારી પતિને સોંપી દીધી હતી. પરંતુ બાદમાં જાણવા મળ્યું કે તેમની અંદાજે 31 Million Pound (લગભગ ₹400 કરોડ) ની સંપત્તિ ગાયબ થઈ ચૂકી છે.

આ સિવાય વર્ષ 2023 માં બેંકનું દેવું ન ચૂકવવાના કેસમાં કોર્ટે તેમને સસ્પેન્ડેડ સેન્ટેન્સ (Suspended Sentence) ફટકારી હતી. જેલ જવાથી બચવા માટે તેઓ આજે પણ પોતાની કમાણીનો 50% હિસ્સો બેંકને ચૂકવી રહ્યા છે.

17 વર્ષની ઉંમરે ફ્રેન્ચ ઓપન (French Open) જીતનારી આ મહાન ખેલાડીએ જણાવ્યું કે આ ઘટનાએ તેમને માનસિક રીતે ભાંગી નાખ્યા છે અને તેમને થેરેપી પણ લેવી પડી હતી.