Texas Punjabi Student Kills Parents | અમેરિકાના (America) ટેક્સાસ (Texas) રાજ્યના અલ્ટન (Alton) શહેરમાંથી એક અત્યંત ચોંકાવનારો કિસ્સો સામે આવ્યો છે, જ્યાં 19 વર્ષના ભારતીય મૂળના પંજાબી વિદ્યાર્થીએ (Student) પોતાના જ પરિવાર પર અંધાધૂંધ ફાયરિંગ (Firing) કરીને ત્રણ સભ્યોની ઘાતકી હત્યા કરી દીધી છે.
મૃતકોની ઓળખ 56 વર્ષીય પિતા સીતા રામ, 46 વર્ષીય માતા કમલેશ રાની અને 73 વર્ષીય દાદી મહિન્દર કૌર તરીકે થઈ છે. પોસ્ટમોર્ટમ (Postmortem) રિપોર્ટ અનુસાર, ત્રણેય સભ્યોના મોત માથામાં ગોળી વાગવાના કારણે થયા હતા.
આ લોહિયાળ ખેલ દરમિયાન આરોપી ગૌરવ ચોપરાએ તેના 21 વર્ષીય ભાઈ સાજન પર પણ ગોળી ચલાવી હતી, પરંતુ તે આબાદ બચી ગયો હતો અને તેણે તાત્કાલિક 911 પર કોલ (Call) કરીને પોલીસને (Police) જાણ કરી હતી.
વારદાતને અંજામ આપીને કારમાં ફરાર થઈ રહેલા ગૌરવનો પોલીસે પીછો કર્યો હતો. આ દરમિયાન આરોપીની કારનો અકસ્માત (Accident) પણ સર્જાયો હતો. ધરપકડ (Arrest) સમયે તેની પિસ્તોલ (Pistol) માલફંક્શન (Malfunction) થઈ ગઈ હોવાનું પણ સામે આવ્યું છે.
આરોપી યુનિવર્સિટી ઓફ ટેક્સાસ રિયો ગ્રાન્ડે વેલીનો (UTRGV) વિદ્યાર્થી છે અને તેનો પરિવાર મૂળ પંજાબના નવાંશહરનો રહેવાસી છે. ગૌરવ સામે કેપિટલ મર્ડરનો (Capital Murder) ગુનો દાખલ કરી તેને વિના જામીન જેલમાં મોકલાયો છે. પોલીસ (Police) હાલ હત્યા પાછળના મુખ્ય હેતુની તપાસ (Investigation) કરી રહી છે.
