પદ્મ ભૂષણ મેળવનાર સિંગર અલકા યાજ્ઞિક કઈ ગંભીર બીમારીથી પીડિત છે? જાણો લક્ષણો અને ઇલાજ

Alka Yagnik SNHL Disease | બોલિવૂડ (Bollywood) ના સદાબહાર ગીતોથી કરોડો લોકોના દિલ પર રાજ કરનાર દિગ્ગજ ગાયિકા અલકા યાજ્ઞિક (Alka Yagnik) હાલમાં ભારે ચર્ચામાં છે. છેલ્લા 2 વર્ષથી લાઇમલાઇટ (Limelight) થી દૂર રહ્યા બાદ, તાજેતરમાં 23 જૂનના રોજ ભારત સરકાર દ્વારા તેમને દેશના ત્રીજા સર્વોચ્ચ નાગરિક સન્માન ‘પદ્મ ભૂષણ’ (Padma Bhushan) થી નવાજવામાં આવ્યા હતા.

આ ગૌરવપૂર્ણ ક્ષણ વચ્ચે સોશિયલ મીડિયા (Social Media) પર તેમનો એક વાઇરલ વીડિયો (Viral Video) સામે આવ્યો છે, જેમાં 60 વર્ષના આ સિંગર વ્હીલ ચેર (Wheelchair) પર અને સ્ટેજ પર જવા માટે એટેન્ડન્ટ (Attendant) નો સહારો લેતા જોવા મળ્યા હતા. આ દ્રશ્યે તેમના તમામ ચાહકોને ભાવુક અને ચિંતિત કરી દીધા છે. એવોર્ડ (Award) મળ્યા બાદ તેમણે જણાવ્યું કે તેઓ હજુ પણ એક ગંભીર બીમારી સામે લડી રહ્યા છે.

વર્ષ 2024 માં અલકા યાજ્ઞિકે સોશિયલ મીડિયા (Social Media) પર ખુલાસો કર્યો હતો કે તેઓ ‘સેન્સરીન્યુરલ હિયરિંગ લોસ’ (Sensorineural Nerve Hearing Loss – SNHL) નામની એક દુર્લભ અને ગંભીર બીમારીથી પીડિત છે.

સિંગરે જણાવ્યું કે, એકવાર ફ્લાઇટ (Flight) માંથી બહાર નીકળતી વખતે અચાનક જ તેમને અહેસાસ થયો કે તેઓ કંઈપણ સાંભળી શકતા નથી.

ડૉક્ટરોના જણાવ્યા અનુસાર, એક અચાનક આવેલા વાઇરલ ઇન્ફેક્શન (Viral Infection) ના કારણે તેમની સાંભળવાની ક્ષમતા પર આ ગંભીર અસર થઈ છે. આ બીમારી તેમના માટે એક મોટો આઘાત સાબિત થઈ છે.

હેલ્થ ઓર્ગેનાઈઝેશન ક્લેવલેન્ડ ક્લિનિકના રિપોર્ટ મુજબ, ‘સેન્સરીન્યુરલ હિયરિંગ લોસ’ (Sensorineural Hearing Loss) એ સાંભળવાની શક્તિને પ્રભાવિત કરતો ડિસઓર્ડર (Disorder) છે. આ સમસ્યા ત્યારે ઊભી થાય છે જ્યારે અવાજના મોજાં મનુષ્યના કાનના અંદરના ભાગ સુધી પહોંચી શકતા નથી અને મગજ માટે અવાજ સમજવો મુશ્કેલ બને છે.

આ સ્થિતિ ઉંમર વધવા, ઇન્ફેક્શન (Infection), ગંભીર ઈજા અથવા સતત લાઉડ મ્યુઝિક (Loud Music) ના સંપર્કમાં રહેવાથી થઈ શકે છે.

મેડિકલ રિપોર્ટ્સ (Medical Reports) અને નિષ્ણાતોના મતે, આ દુર્લભ બીમારીનો કોઈ કાયમી કે સંપૂર્ણ ઇલાજ હજુ સુધી ઉપલબ્ધ નથી.

જોકે, હિયરિંગ એડ્સ (Hearing Aids), કોક્લિયર ઇમ્પ્લાન્ટ (Cochlear Implant) અથવા અન્ય આધુનિક તબીબી ઉપકરણોની મદદથી દર્દી ફરીથી સાંભળવા સક્ષમ બની શકે છે. આવા કિસ્સામાં વહેલી તકે ડાયગ્નોસિસ (Diagnosis) અને સારવાર ખૂબ જરૂરી છે.

આ બીમારીના કારણે અલકા યાજ્ઞિકની પ્રોફેશનલ લાઇફ (Professional Life) પર ઘણો મોટો આઘાત લાગ્યો છે અને તેમનું કામ છૂટી ગયું છે.

મ્યુઝિક કમ્પોઝર્સ (Music Composers) તેમને પ્રોજેક્ટ્સ (Projects) માટે બોલાવે છે, પરંતુ તેઓ રેકોર્ડિંગ (Recording) પર સંપૂર્ણ વાપસી કરી શક્યા નથી. તેમનું છેલ્લું ગીત ફિલ્મ ‘અમર સિંહ ચમકીલા’ (Amar Singh Chamkila – 2024) નું “નરમ કાલજા” હતું, જેને એ. આર. રહેમાન (A. R. Rahman) દ્વારા કમ્પોઝ (Compose) કરવામાં આવ્યું હતું. ત્યારથી તેમણે કોઈ નવું ગીત ગાયું નથી. હાલમાં તેમના ફેન્સ (Fans) તેઓ ઝડપથી સાજા થાય તેવી પ્રાર્થના કરી રહ્યા છે.