Dahod Accident | અમદાવાદ-દાહોદ હાઈવે (Ahmedabad-Dahod Highway) પર મોડી રાત્રે એક હૃદયદ્રાવક અકસ્માત (Accident) સર્જાયો હતો. લિમખેડા (Limkheda) નજીક આવેલા ઢઢેલા ટર્નિંગ પાસે એક બેકાબૂ બનેલી SUV કાર ડિવાઈડર સાથે ધડાકાભેર અથડાઈ હતી.
આ ટક્કર એટલી ભયાનક હતી કે કારમાં સવાર ત્રણ વ્યક્તિઓના ઘટનાસ્થળે જ કમકમાટીભર્યા મોત (Death) નિપજ્યા હતા. ઘટનાની જાણ થતા જ લિમખેડા પોલીસનો કાફલો સ્થળ પર પહોંચ્યો હતો.
મળતી માહિતી અનુસાર, અકસ્માતનો ભોગ બનેલી કાર મહારાષ્ટ્ર પાસિંગની (MH Passing) હતી. કારચાલકે ઢઢેલા ટર્નિંગ (Dhadhela Turning) નજીક વાહન પરનું નિયંત્રણ ગુમાવી દીધું હતું, જેના કારણે કાર સીધી હાઈવેના ડિવાઈડર સાથે જઈ ભટકાઈ હતી. ટક્કર એટલી જોરદાર હતી કે SUV કારનો આગળનો ભાગ સાવ પડીકું વળી ગયો હતો અને કારના ફૂરચેફૂરચા ઊડી ગયા હતા.
અકસ્માતનો અવાજ સાંભળીને આસપાસના લોકો અને હાઈવે પરથી પસાર થતા અન્ય વાહનચાલકો તાત્કાલિક મદદ માટે દોડી આવ્યા હતા.
જોકે, કારમાં સવાર ત્રણેય મુસાફરોને ગંભીર ઈજાઓ (Serious Injuries) પહોંચી હોવાથી તેમણે સ્થળ પર જ દમ તોડ્યો હતો. પોલીસે ઘટનાસ્થળે પહોંચીને મૃતદેહોને પોસ્ટમોર્ટમ (Post-Mortem) માટે હોસ્પિટલ ખસેડવાની તજવીજ હાથ ધરી છે અને અકસ્માતનો ગુનો નોંધી વધુ તપાસ શરૂ કરી છે.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.