Adani CNG Price Hike | ગુજરાતમાં મોંઘવારીનો વધુ એક મોટો આંચકો આવ્યો છે. ગ્લોબલ માર્કેટમાં (Global Market) ક્રૂડ ઓઇલ અને ગેસની કિંમતો વધતા સરકારી ઓઇલ કંપનીઓએ પેટ્રોલ-ડીઝલમાં ₹3 નો તોતિંગ વધારો ઝીંક્યો છે.
આ આંચકા વચ્ચે અમદાવાદ (Ahmedabad) સહિત ગુજરાતના વાહનચાલકો માટે માઠા સમાચાર છે. અદાણી ગેસે (Adani Gas) સીએનજી (CNG) ના ભાવમાં પ્રતિ કિલો ₹2 નો વધારો કરી દીધો છે.
આ વધારા બાદ અમદાવાદમાં અદાણી સીએનજી (CNG) નો નવો ભાવ પ્રતિ કિલો રૂ.90.02 પર પહોંચી ગયો છે. અત્યાર સુધી મધ્યમ વર્ગ માટે સસ્તું ગણાતું ઇંધણ હવે બજેટ બહાર જઈ રહ્યું છે.
ઇંધણના ભાવ ભડકે બળતા ટ્રાન્સપોર્ટેશન (Transportation) ખર્ચ વધવાની પૂરેપૂરી આશંકા છે, જેના કારણે આગામી દિવસોમાં જીવનજરૂરી ચીજવસ્તુઓ પણ મોંઘી થઈ શકે છે. પેટ્રોલ-ડીઝલ બાદ સીએનજી (CNG) મોંઘો થતાં સામાન્ય જનતાની મુશ્કેલીઓ બેવડાઈ છે.