7-1
વાયબ્રન્ટ ગુજરાત ગ્લોબલ સમિટ-૨૦૨૪ અંતર્ગત ગાંધીનગર ખાતે બે લાખ ચોરસ મીટર વિસ્તારમાં પ્રદર્શન અને સ્ટોલ ધરાવતો અત્યાર સુધીનો સૌથી મોટો ‘ગ્લોબલ ટ્રેડ શો’ યોજાનાર છે. જેનું તા.૦૯ જાન્યુઆરી-૨૦૨૪ના રોજ વડાપ્રધાન શ્રી નરેન્દ્રભાઈ મોદીના હસ્તે ઉદ્ધઘાટન કરવામાં આવશે. આ વિશ્વના સૌથી મોટા ટ્રેડ શો માટે એકઝીબિશન સેન્ટર ખાતે તૈયારીઓને આખરી ઓપ અપાઈ રહ્યો છે.
‘મેઈક ઇન ગુજરાત’-‘આત્મનિર્ભર ભારત’ સહિત વિવિધ થીમ આધારિત ૧૩ પ્રદર્શન હોલ તૈયાર થઈ ચૂક્યા છે. ઉલ્લેખનીય છે કે, ટ્રેડ શોમાં વિઝિટીંગ તરીકે ૧૦૦ દેશો જ્યારે પાર્ટનર તરીકે ૩૩ દેશો ભાગ લઈ રહ્યા છે. વિશ્વના ૨૦ દેશોના સંશોધન ક્ષેત્રના અંદાજે ૧,૦૦૦થી વધુ પ્રદર્શકો ગ્લોબલ ટ્રેડ -શોમાં સહભાગી થનાર છે. એટલું જ નહિ, ટ્રેડ-શોમાં કુલ વિસ્તારનું ૧૦૦ ટકા બુકિંગ પણ પૂર્ણ થયું છે.
About The Author
