Breaking News

બાળ લગ્ન પ્રતિબંધક અધિકારી સહ, જિલ્લા સમાજ સુરક્ષા અધિકારી, અમદાવાદની અખબારી યાદીમાં
જણાવ્યા અનુસાર અમદાવાદ જિલ્લાના અંતરિયાળ વિસ્તારમાં હજુ પણ સામાજિક કુપ્રથાઓ ઘર કરી બેઠી છે.
ઘણા જાતી સમુદાયોમાં સગીર છોકરા-છોકરીઓના લગ્ન નાની ઉંમરમાં કરાવવામા આવે છે. જેની માઠી અસર
સમાજ અને પરિવાર ઉપર થતી હોય છે. જે બાબતે અમદાવાદ જિલ્લામાં બાળ લગ્નો અટકાવવા માટે જિલ્લા
સમાજ સુરક્ષા અધિકારી દ્વારા જાહેર જનતાને પહેલ કરવામાં આવી છે.


જિલ્લાના પારંપારીક તહેવાર અખાત્રીજ અને અન્ય દિવસોમા ખુબ મોટા પ્રમાણમાં વિવિધ સમાજમાં
લગ્નો યોજાતા હોય છે, જેમાં ખાસ બાળ લગ્નો ન થાય તે માટે સમુહ લગ્નોના આયોજકો, સામાજીક આગેવાનો,
ગોર મહારાજ, લગ્ન કરાવનાર કાજી, પાદરી, રસોઈયા, મંડપ ડેકોરેશન, ફોટોગ્રાફર તથા લગ્ન કરાવનાર વર અને
કન્યા પક્ષના બંને પરિવારજનોને જિલ્લા સમાજ સુરક્ષા અધિકારી દ્વારા બાળ લગ્નો અટકાવવા અંગે એક અખબારી
યાદીમાં જણાવાયું છે. બાળ લગ્ન પ્રતિબંધક અધિનિયમ-૨૦૦૬ મુજબ છોકરી ના લગ્ન ૧૮ વર્ષ પહેલા અને
છોકરાના લગ્ન ૨૧ વર્ષ પહેલા થાય એ સજાપાત્ર ગુનો છે અને સામાજિક દુષણ પણ છે. બાળ લગ્નના કારણે દીકરા-
દીકરીઓના આરોગ્ય પર ઘણી જ વિપરીત અસર થાય છે. તેથી બાળ લગ્ન ન થાય તે સમાજમાં જરૂરી છે.
જિલ્લા સમાજ સુરક્ષા અધિકારીના જણાવ્યા અનુસાર જો આપના વિસ્તારમાં, ગામમાં કે આપના
મહોલ્લામાં બાળ – લગ્ન ન થાય તેની તકેદારી રાખવી અન્યથા બાળ લગ્ન થતા જોવા મળે તો આપની સામાજિક
જવાબદારી સમજી આવા બાળ લગ્નો અટકાવવા માટે સમાજ સેવાના ભાગરૂપે નજીકના પોલીસ સ્ટેશન અથવા
બાળ લગ્ન પ્રતિબંધક અધિકારી સહ જિલ્લા સમાજ સુરક્ષા અધિકારી શ્રી હેતલબેન પરમાર સંપર્ક નં.
9099970942, જિલ્લા બાળ સુરક્ષા અધિકારી, શ્રી દિવ્યકાંતભાઈ પરમાર સંપર્ક નં. 9727373249 કાનુની
સહ પ્રોબેશન અધિકારી શ્રી વિજયભાઈ પ્રજાપતિ સંપર્ક નં. 9879024306, ઉપરાંત ચાઈલ્ડ લાઈન સંપર્ક નં.
1098, પોલીસ સંપર્ક નં. 100, અભયમ મહિલા હેલ્પ લાઈન સંપર્ક નં. 181 સંપર્ક કરવા જણાવાયું છે.

Leave a Reply

Your email address will not be published. Required fields are marked *

Share Article: