MIDH Scheme Benefits | બાગાયતી ક્ષેત્ર (Horticulture Sector)ને પ્રોત્સાહન આપવાની સાથે ખેડૂતોની આવકમાં વધારો કરવાના હેતુથી સરકાર દ્વારા એમઆઈડીએચ યોજના (MIDH Scheme) ચલાવવામાં આવી રહી છે.
આ યોજના હેઠળ ખેડૂતોને આધુનિક ખેતીની તકનીકો અપનાવવા માટે પ્રેરિત કરવામાં આવી રહ્યા છે, તેમજ વધુ સારા ઉત્પાદન માટે આર્થિક અને તકનીકી મદદ પણ પૂરી પાડવામાં આવી રહી છે.
આ સ્કીમ (Scheme) દ્વારા સરકારનો મુખ્ય લક્ષ્ય પરંપરાગત ખેતીની સાથે વ્યવસાયિક ખેતી (Commercial Farming)ને પ્રોત્સાહન આપવાનો છે.
61 સેન્ટર્સ દ્વારા ટ્રેનિંગ MIDH સ્કીમ હેઠળ ખેડૂતોને આધુનિક ખેતી માટે ખાસ ટ્રેનિંગ (Training) પણ આપવામાં આવી રહી છે. આ માટે દેશભરમાં 61 ટ્રેનિંગ સેન્ટર (MIDH Training Centers) સ્થાપિત કરવામાં આવ્યા છે.
અહીં ખેડૂતોને આધુનિક ખેતી સાથે જોડાયેલી ઝીણામાં ઝીણી માહિતી અને વ્યવહારુ પ્રશિક્ષણ આપવામાં આવે છે. આ પ્રશિક્ષણ કેન્દ્રોને ભારત-ઈઝરાયેલ સહયોગ (India-Israel Cooperation), ભારત-નેધરલેન્ડ સહયોગ અને વિવિધ સંશોધન સંસ્થાઓની મદદથી વિકસાવવામાં આવ્યા છે. અહીં ખેડૂતોને નવી ટેકનોલોજી (Technology), ગુણવત્તાયુક્ત છોડ અને શાકભાજીની સુધારેલી જાતો વિશે સંપૂર્ણ માહિતી આપવામાં આવે છે.
કૃષિ અને ખેડૂત કલ્યાણ મંત્રાલયના જણાવ્યા અનુસાર, MIDH યોજના હેઠળ રાજ્ય બાગાયત મિશન, ટેકનિકલ સપોર્ટ ગ્રુપ (TSG), પ્રિસિઝન ફાર્મિંગ ડેવલપમેન્ટ સેન્ટર (PFDC), સેન્ટર ઓફ એક્સેલન્સ (CoE), ICAR સંસ્થાઓ, રાજ્ય કૃષિ યુનિવર્સિટીઓ અને કૃષિ વિજ્ઞાન કેન્દ્રો દ્વારા ખેડૂતોને સહયોગ આપવામાં આવે છે. આ સંસ્થાઓની મદદથી ખેડૂતો આધુનિક ખેતી શીખીને ઓછા ખર્ચે વધુ ઉત્પાદન મેળવવામાં સફળ થઈ રહ્યા છે.
MIDH હેઠળ ખેડૂતોને આ રીતે મળે છે મદદ MIDH યોજના દ્વારા ખેડૂતોને વિવિધ પ્રકારે સહાય પૂરી પાડવામાં આવે છે. સુરક્ષિત ખેતી (Protected Cultivation)ને પ્રોત્સાહન આપવા માટે પોલીહાઉસ (Polyhouse), શેડ નેટ હાઉસ (Shade net house), પ્લાસ્ટિક ટનલ અને અન્ય આધુનિક ઇન્ફ્રાસ્ટ્રક્ચર બનાવવા માટે યોજના હેઠળ નાણાકીય સહાય (Financial assistance) આપવામાં આવે છે. આ ટેકનોલોજીની મદદથી ઓછી જગ્યામાં વધુ ઉત્પાદન (Farming Production) મેળવવામાં મદદ મળે છે.
રાજ્ય મંત્રીએ પણ ગણાવ્યા ફાયદા સંસદના મોનસૂન સત્ર (Monsoon Session) દરમિયાન કેન્દ્રીય કૃષિ અને ખેડૂત કલ્યાણ રાજ્ય મંત્રી રામનાથ ઠાકુરે (Ramnath Thakur) MIDH યોજના અંગે માહિતી શેર કરી હતી. તેમણે લોકસભામાં આપેલા લેખિત જવાબમાં જણાવ્યું હતું કે સરકાર બાગાયતી ક્ષેત્રને મજબૂત કરવા સતત કામ કરી રહી છે. આ યોજના દ્વારા ખેડૂતોને આધુનિક ખેતી સાથે જોડવા અને ઉત્પાદન વધારવા પર ભાર મુકવામાં આવી રહ્યો છે.