- ટીવી ઇન્ડસ્ટ્રીના બદલાતા સ્વરૂપ પર જયા ભટ્ટાચાર્યનો બેબાક અભિપ્રાય
- ‘અમારા સમયમાં એક એપિસોડ શૂટ કરવામાં 4 થી 5 દિવસ લાગતા હતા’
Jaya Bhattacharya Interview | એક્ટ્રેસ જયા ભટ્ટાચાર્ય એક એવું નામ છે, જે દરેક મુદ્દા પર પોતાની સ્પષ્ટ અને મજબૂત રાય રાખવા માટે જાણીતી છે. કોઈ સામાજિક મુદ્દો હોય કે બોલિવૂડ (Bollywood) સાથે જોડાયેલી બાબત, તેઓ હંમેશાં પોતાની વાત દમદાર રીતે રજૂ કરે છે.
જયા ભટ્ટાચાર્યને સુપરહિટ સીરિયલ (Serial) ‘ક્યોંકી સાસ ભી કભી બહૂ થી’ (Kyunki Saas Bhi Kabhi Bahu Thi) માટે ખાસ ઓળખવામાં આવે છે. જોકે, તેમણે પોતાના કરિયર (Career) ની શરૂઆત દૂરદર્શન (Doordarshan) ના શોર્ટ્સ અને શોઝથી કરી હતી, જેમાં ‘જય હનુમાન’ જેવી લોકપ્રિય સીરિયલ્સ સામેલ છે.
તાજેતરમાં જયાએ એક ઇન્ટરવ્યુ (Interview) માં ટીવી ઇન્ડસ્ટ્રી (TV Industry) માં આવેલા મોટા બદલાવો અને પોતાની સફર વિશે ખુલીને વાત કરી છે.
ટીવી જગતમાં આવેલા પરિવર્તન અંગે વાત કરતાં જયા ભટ્ટાચાર્ય (Jaya Bhattacharya) એ જણાવ્યું કે, ‘ક્યોંકી સાસ ભી કભી બહૂ થી 2’ નો સબ્જેક્ટ (Subject) તદ્દન અલગ છે અને આ શોમાં મારા પાત્રની કોઈ જરૂર ન હોવાથી મને કોઈ ઓફર (Offer) આવી નથી.
તેમણે ઉમેર્યું, “હું આ ઇન્ડસ્ટ્રીમાં છેલ્લા 35 વર્ષથી કામ કરી રહી છું અને હું મારી જાતને ખૂબ જ ભાગ્યશાળી માનું છું. મેં ઇન્ડસ્ટ્રીના દરેક યુગને ખૂબ નજીકથી જોયો છે અને તેમાં શાનદાર પર્ફોર્મન્સ (Performance) આપીને મારી જાતને સાબિત કરી છે.”
પોતાના જૂના દિવસોને યાદ કરતાં એક્ટ્રેસે કહ્યું કે, અગાઉ જ્યારે તેઓ શૂટિંગ (Shooting) પૂરું કરીને ઘરે પાછા ફરતા ત્યારે ખરેખર કામ કર્યાનો સંતોષ મળતો હતો. પરંતુ આજના સમયમાં વસ્તુઓ ખૂબ જ ટેકનિકલ (Technical) થઈ ગઈ છે.
સીન અને સંવાદો પર બહુ કામ થતું નથી. અમારા સમયમાં થિયેટર પ્લે (Theater Play) ની જેમ એક-એક લાઇન પર મહેનત થતી હતી. પહેલાં એક એપિસોડ (Episode) બનાવવા માટે અમે 4 થી 5 દિવસ સુધી શૂટિંગ કરતા હતા, જ્યારે આજે આખો એપિસોડ માત્ર 1 જ દિવસમાં શૂટ થઈ જાય છે.
જયા ભટ્ટાચાર્ય નાના પડદા ઉપરાંત મોટા પડદાની પણ જાણીતી કલાકાર છે. તેમણે દૂરદર્શન, ઝી ટીવી (Zee TV), બોલિવૂડ ફિલ્મો અને હવે ઓટીટી પ્લેટફોર્મ (OTT Platform) સુધી કામ કર્યું છે.
ફિલ્મોની વાત કરીએ તો તેમણે ‘સિર્ફ તુમ’, ‘દેવદાસ’, ‘લજ્જા’ અને ‘ફિઝા’ જેવી સુપરહિટ ફિલ્મોમાં મહત્વના પાત્રો ભજવ્યા છે. આ સિવાય તેઓ ટીવી પર ‘રંગોલી’, ‘બનૂ મેં તેરી દુલ્હન’ અને ‘કુમકુમ ભાગ્ય’ જેવા શોમાં પણ જોવા મળ્યા છે.