યુકેમાં મહિલાની ગળું દબાવીને હત્યા કરનાર ભારતીય મૂળના ડિલિવરી ડ્રાઈવરને 29 વર્ષની જેલ

Tanveer Singh Jailed | ઇંગ્લેન્ડ (England) ના વેસ્ટ મિડલેન્ડ્સ (West Midlands) વિસ્તારમાં એક મહિલાની ગળું દબાવીને નિર્મમ હત્યા કરવા અને તેની લાશને રસ્તાના કિનારે ફેંકી દેવાના ગુનામાં ભારતીય મૂળના એક ડિલિવરી ડ્રાઈવર (Delivery driver) ને બુધવારે 29 વર્ષની જેલની સજા ફટકારવામાં આવી છે.

32 વર્ષના તનવીર સિંહ (Tanveer Singh) પર 41 વર્ષીય શારા મિલર (Shara Millar) ની હત્યાનો આરોપ હતો. ગત વર્ષે ઓગસ્ટ (August) મહિનામાં સ્મેથવિક (Smethwick) માં એક નાગરિક દ્વારા શારાની લાશ મળી આવી હતી.

વોલ્વરહેમ્પટન ક્રાઉન કોર્ટ (Wolverhampton Crown Court) માં સુનાવણી દરમિયાન જજ માઈકલ ચેમ્બર્સે (Judge Michael Chambers) તનવીર સિંહને એક “કપટી અને ઉદ્ધત” માણસ ગણાવ્યો હતો, જેને પોતાના ગુના પર કોઈ પસ્તાવો નથી.

વેસ્ટ મિડલેન્ડ્સ પોલીસની હોમિસાઇડ યુનિટ (Homicide Unit) ના ડિટેક્ટિવ ઇન્સ્પેક્ટર જો ડેવનપોર્ટે (Detective Inspector Joe Davenport) જણાવ્યું કે, શારાની એક ખતરનાક હિંસક વ્યક્તિ દ્વારા નિર્દયતાથી હત્યા કરવામાં આવી હતી.

તનવીર સિંહ ઘટનાની રાત્રે એક પબ (Pub) માં દારૂ પી રહ્યો હતો અને સેક્સ વર્કર્સ (Sex workers) ની શોધમાં સોહો રોડ (Soho Road) પર ગયો હતો. ત્યાંથી તે શારાને પોતાની વાન (Van) માં બેસાડીને લાવ્યો હતો અને ત્યારબાદ તેના પર જીવલેણ હુમલો કર્યો હતો.

પોલીસ તપાસમાં સામે આવ્યું છે કે તનવીરે ફોરેન્સિક પુરાવા (Forensic evidence) નો નાશ કરવા માટે પીડિતાના શરીર પર કોઈ પ્રવાહી પણ રેડ્યું હતું.

આ સપ્તાહની શરૂઆતમાં જ્યુરી (Jury) દ્વારા તનવીર સિંહને હત્યાનો દોષિત જાહેર કરવામાં આવ્યો હતો. 2 અઠવાડિયા ચાલેલી આ ટ્રાયલ (Trial) માં સામે આવ્યું કે શારાના શરીર પર માથાના ભાગે ઈજાઓ હતી અને પોસ્ટ-મોર્ટમ (Post-mortem) રિપોર્ટમાં મોતનું કારણ ગળું દબાવવાનું હોવાનું ખુલ્યું હતું.

પોલીસે સીસીટીવી (CCTV) ફૂટેજના આધારે એક સફેદ વાન શોધી કાઢી હતી, જેમાંથી લાશને ફૂટપાથ પર ફેંકવામાં આવી હતી. તપાસમાં જાણવા મળ્યું કે આ વાન એક રેન્ટલ કંપની (Rental company) ની હતી અને પાર્સલ ડિલિવરી (Parcel delivery)ના બિઝનેસ (Business) માટે વપરાતી હતી, જે ઘટના સમયે તનવીર સિંહ પાસે હતી.

પોલીસે વેસ્ટ બ્રોમવિચ (West Bromwich) માં આવેલા તેના ઘરેથી તેને ઝડપી લીધો હતો. મૃતક શારા ડ્રગ્સની લત (Drug addiction) નો ભોગ બનેલી હતી. પોલીસે જણાવ્યું કે તેઓ આવી સંવેદનશીલ મહિલાઓનું શોષણ કરનારા ગુનેગારોને પકડવા માટે કટિબદ્ધ છે.