PM નરેન્દ્ર મોદીએ કોબામાં ‘સમ્રાટ સંપ્રતિ મ્યુઝિયમ’નું લોકાર્પણ કર્યું

વડાપ્રધાન નરેન્દ્ર મોદી (PM Narendra Modi) આજે 31 માર્ચના રોજ ગુજરાતની એક દિવસીય મુલાકાતે છે. પીએમ મોદીએ ગાંધીનગર (Gandhinagar) ના કોબા ખાતે ‘સમ્રાટ સંપ્રતિ મ્યુઝિયમ’ (Samrat Samprati Museum) નું લોકાર્પણ કર્યું છે. મહાવીર જયંતી (Mahavir Jayanti) ના પવિત્ર અવસરે તેમણે ‘જય જિનેન્દ્ર’ સાથે સંબોધન કરતા જણાવ્યું કે, આ મ્યુઝિયમ જૈન દર્શન અને પ્રાચીન વારસાનું પવિત્ર કેન્દ્ર બનશે. આ મ્યુઝિયમ 23 એપ્રિલથી જનતા માટે ખુલ્લું મુકાશે.

સમ્રાટ સંપ્રતિ મ્યુઝિયમની વિશેષતા આ મ્યુઝિયમ રાષ્ટ્રસંત પરમ પૂજ્ય આચાર્યદેવ પદ્મસાગરસૂરીશ્વરજી મહારાજનું સ્વપ્ન છે. તેમણે છેલ્લા 60 વર્ષની પદયાત્રા (Padyatra) દરમિયાન ભારત અને નેપાળ (Nepal) માંથી શોધેલા અતિ દુર્લભ સાંસ્કૃતિક અવશેષો અને હસ્તપ્રતો (Manuscripts) ને અહીં આધુનિક ટેકનિક (Technology) થી સુરક્ષિત કરાયા છે. આ મ્યુઝિયમનું નામ સમ્રાટ અશોકના પૌત્ર અને અહિંસાના પૂજારી સમ્રાટ સંપ્રતિ (Samrat Samprati) પરથી રાખવામાં આવ્યું છે.

ઔદ્યોગિક અને ઇન્ફ્રાસ્ટ્રક્ચર પ્રોજેક્ટ્સની ભેટ

સાણંદ (Sanand): પીએમ મોદી સાણંદમાં કેઇન્સ સેમિકોન (Kaynes Semicon) ના સેમિકન્ડક્ટર પ્લાન્ટનું ઉદ્ઘાટન કરશે, જે ગુજરાતને ગ્લોબલ હબ બનાવશે.

અમદાવાદ-ધોલેરા એક્સપ્રેસ-વે: 109 કિમી લાંબા આ ગ્રીનફિલ્ડ એક્સપ્રેસ-વે (Greenfield Expressway) નું લોકાર્પણ કરાશે. ₹5100 કરોડના ખર્ચે બનેલા આ હાઈવેથી અમદાવાદ-ધોલેરાનું અંતર માત્ર 45 મિનિટ થઈ જશે.

વાવ-થરાદ (Vav-Tharad): ઉત્તર ગુજરાતમાં ₹19,806.9 કરોડના વિવિધ વિકાસકાર્યોનું ખાતમુહૂર્ત કરવામાં આવશે.