સુરત ફેક કરન્સી કૌભાંડ: યોગ ગુરુ પ્રદીપ ચીન જઈને નકલી નોટ છાપતાં શીખ્યો

સુરત (Surat) માં સત્યમ યોગ ફાઉન્ડેશનની આડમાં ચાલતા બનાવટી ચલણી નોટ (Fake Currency) છાપવાના રેકેટમાં દરરોજ નવા ખુલાસા થઈ રહ્યા છે.

ક્રાઈમ બ્રાન્ચ (Crime Branch) ની પૂછપરછમાં જાણવા મળ્યું છે કે મુખ્ય આરોપી પ્રદીપ ગુરુજી અને મુકેશ હુમ્મર ખાસ તાલીમ માટે ચીન (China) ગયા હતા. ત્યાં સ્થાનિક એજન્ટોની મદદથી નોટો છાપવાની સંપૂર્ણ સિસ્ટમ (System) સમજી હતી અને ટ્રાયલ (Trial) માટે 500 ની નોટ પણ પ્રિન્ટ કરી હતી.

આ કૌભાંડમાં આરોપીઓએ સ્ટેશનરી (Stationery) ના નામે કરન્સી સિક્યોરિટી પેપર (Currency Security Paper) નો જથ્થો મંગાવ્યો હતો. એક પેપર બોક્સ (Paper Box)ની કિંમત અંદાજે 1,50,000 રૂપિયા હતી અને આવા 3 કન્સાઈનમેન્ટ ચીનથી મંગાવવામાં આવ્યા હતા.

અત્યાર સુધીમાં અંદાજે 15,00,000 રૂપિયાની નકલી નોટો બજારમાં ફરતી કરી દેવામાં આવી હોવાની આશંકા છે. હાલ ક્રાઈમ બ્રાન્ચ અને કેન્દ્રીય એજન્સીઓ (Central Agencies) આ દિશામાં વધુ તપાસ કરી રહી છે.