ભારતમાં રાંધણ ગેસની કટોકટી: હોર્મુઝની ખાડીમાં 22 ટેન્કરો ફસાયા, નેવીએ યુદ્ધ જહાજો તૈનાત કર્યા

LPG Shortage in India | મધ્ય-પૂર્વ (Middle-East) માં અમેરિકા, ઈઝરાયેલ અને ઈરાન વચ્ચેના વધતા તણાવને કારણે ભારતમાં રાંધણ ગેસના પુરવઠા પર સંકટના વાદળો છવાયા છે. ઈરાનની નાકાબંધીને કારણે ભારતના 22 જેટલા ક્રૂડ ઓઈલ (Crude Oil) અને એલપીજી (LPG) ભરેલા ટેન્કરો હોર્મુઝની ખાડી (Strait of Hormuz) માં ફસાયેલા છે. ભારતમાં સતત ત્રીજા સપ્તાહે ગેસની અછતના અહેવાલો મળી રહ્યા છે.

ભારતની માસિક જરૂરિયાત અને વર્તમાન સ્થિતિ વેસલ ટ્રેકિંગ (Vessel Tracking) ડેટા મુજબ, જગ વસંત અને બીડબલ્યુ એલ્મ જેવા ભારતીય જહાજોમાં અંદાજે 3.38 લાખ મેટ્રિક ટન એલપીજી છે, જે દેશની માસિક જરૂરિયાતનો પાંચમો હિસ્સો છે. ભારતને દર મહિને 30 થી વધુ એલપીજી ટેન્કરોની જરૂર પડે છે. ગયા વર્ષે દેશમાં 3.31 કરોડ મેટ્રિક ટન કૂકિંગ ગેસનો વપરાશ થયો હતો, જેમાંથી મોટાભાગનો હિસ્સો આયાત (Import) કરવામાં આવ્યો હતો.

ભારતીય નેવીનું ઓપરેશન કેન્દ્ર સરકારે હોર્મુઝની ખાડીમાં ફસાયેલા ટેન્કરોને સુરક્ષિત બહાર કાઢવા માટે ભારતીય નેવી (Indian Navy) ને ઓમાનની ખાડીમાં તૈનાત કરી છે. વધારાના ડિસ્ટ્રોયર (Destroyer) યુદ્ધ જહાજો મોકલીને કમર્શિયલ જહાજોનું સુરક્ષિત પરિવહન નિશ્ચિત કરવામાં આવી રહ્યું છે. જોકે, ભારતે સ્પષ્ટ કર્યું છે કે તેના યુદ્ધ જહાજો સીધા હોર્મુઝની ખાડીમાં પ્રવેશશે નહીં.

બ્રેન્ટ ક્રૂડના ભાવમાં ભડકો ઈરાનના હુમલા અને નાકાબંધીના કારણે આંતરરાષ્ટ્રીય બજારમાં બ્રેન્ટ ક્રૂડ (Brent Crude) નો ભાવ વધીને પ્રતિ બેરલ 116.38 ડોલર પર પહોંચી ગયો છે. યુદ્ધ પહેલા આ ભાવ માત્ર 73 ડોલર હતો. ઊર્જા કટોકટી વધવાની આશંકાએ વૈશ્વિક બજારોમાં પણ ભારે અસ્થિરતા જોવા મળી રહી છે.